පරාටේ නීතියට හිමි වූ සහන කාලය දීර්ඝ කෙරේ

පරාටේ නීතිය ක්‍රියාත්මක කිරීම සඳහා ලබාදී තිබූ සහන කාලය නැවත දීර්ඝ කිරීමට රජය විසින් තීරණය කර ඇත.

ඒ අනුව 2025 මාර්තු 31 දින හෝ ඊට පෙර සහන පියවර සාකච්ඡා කළ රුපියල් මිලියන 25ට අඩු ණය ලබාගෙන ඇති කුඩා හා මධ්‍ය පරිමාණ ව්‍යාපාර සඳහා 2025 දෙසැම්බර් 31 වන දා දක්වා මෙම සහනය හිමිවනු ඇත.

මේ අතර, රුපියල් මිලියන 25ත් 50ත් අතර ණය ලබාගෙන ඇති කුඩා හා මධ්‍ය පරිමාණ ව්‍යාපාර සඳහා 2025 සැප්තැම්බර් 30 දක්වා දීර්ඝ කිරීමක් ලබා දුන් අතර, රුපියල් මිලියන 50 ඉක්මවන අයට ආධාර ලබා ගැනීම සඳහා 2025 ජුනි 30 දක්වා අවසාන දින දීර්ඝ කිරීමක් ලැබුණි.

මෙම ප්‍රතිලාභ 2025 මාර්තු 31 වන දිනට පෙර බැංකු සමඟ සාකච්ඡා ආරම්භ කළ කුඩා හා මධ්‍ය පරිමාණ ව්‍යාපාර සඳහා පමණක් බව ද මුදල් අමාත්‍ය නිකුත් කළ නිවේදනයේ වැඩිදුරටත් දැක්වේ.

පරාටේ නීතිය ක්‍රියාත්මක වීම 2025 වසරේ මාර්තු 31 දක්වා මීට පෙර රජය විසින් අත්හිටුවා තිබුණි.

The post පරාටේ නීතියට හිමි වූ සහන කාලය දීර්ඝ කෙරේ appeared first on Adaderana Biz Sinhala | Sri Lanka Business News.