ශ්‍රී ලංකා ක්‍රිකට් කණ්ඩායමේ හිටපු නායක සහ හිටපු සුපිරි පිතිකරුවෙකු වන මහේල ජයවර්ධන විසින් ඉන්දීයානු සුපිරි බිලියනපති අම්බානිගේ ක්‍රිකට් කණ්ඩායම වන මුම්බායි ඉන්දීයන්ස් කණ්ඩායමේ ප්‍රධාන පුහුණුකරුවා ලෙස සිය රාජකාරී ආරම්භ කරන්නේ 2017 වසරේ දීය.
එම වසරේ දීම මහේල විසින් මුම්බායි ඉන්දීයන්ස් කණ්ඩායම ඉන්දීයානු ප්‍රිමියර් ලීග් තරඟාවලියේ ශූරයන් බවට පත් කළ අතර 2019 වසරේ ද ඔවුන්ව ශූරයන් බවට පත් කළේය.
මහේලගේ මෙම අපුරු පුහුණුකාරීත්වය ගැන ක්‍රිකට් ලෝකයේ බොහෝ දෙනාගේ අවධානය හිමිව තිබෙන අතර ඔහු විසින් මුම්බායි ඉන්දියන්ස් කණ්ඩායම ජයග්‍රහණයේ මාවත දක්වා ගෙන යෑමට ගත් උත්සාහයන් සහ ක්‍රමවේදයන් පැසසුමටද ලක් කර තිබේ.
මහේලගේ මම දක්ෂතාවයන් සමඟ ශ්‍රී ලංකා ක්‍රිකට් කණ්ඩායමේ පුහුණුකාරීත්වය ඔහු විසින් ලබාගතහොත් ශ්‍රී ලංකා ක්‍රිකට් කණ්ඩායමට හොඳ අනාගතයක් නිර්මාණය වනු ඇතිබවටද ශ්‍රී ලංකා ක්‍රිකට් ලෝලීන් සිය සමාජජාල ගිනුම් තුළ සටහන් කරමින් සිටියි.
නමුත් මහේල ශ්‍රී ලංකා ක්‍රිකට් කණ්ඩායමේ පුහුණුකාරීත්වය දැරීමට සිය අකමැත්ත ප්‍රකාශ කර තිබේ. ඔහු එයට හේතුව ලෙස පෙන්වා දෙන්නේ “තමන් වැඩ කරන්නේ තමන්ට වැඩ කළ හැකි පහසු පරිසරයක බව” යන්නයි.
මුම්බායි ඉන්දියන්ස් කණ්ඩායම තමන්ට පුහුණු කිරීමට ලබා දුන් අවස්ථාවේ එහි තමන්ට අවශ්‍ය අයුරින් වැඩ කිරීමට නිදහසත් සහ ඔහුගේ අදහස්වලට ගරු කරන බවද ඒවා අනුව ක්‍රියාකරන බවද මහේල වැඩිදුරටත් කියා සිටියේය.
ශ්‍රී ලංකා කණ්ඩායම ගැන අදහස් දක්වමින් මහේල ක්‍රියා සිටියේ ශ්‍රී ලංකා කණ්ඩායමත් සමඟ කටයුතු කිරීම පහසු දෙයක් නොවන බවයි. එහිදී ඔහු පෙන්වා දෙන්නේ 2016 වසරේ සිට ශ්‍රී ලංකා ක්‍රිකට් කණ්ඩායමේ අතුරු පත්වීම් දෙකක් ඇතුළුව පුහුණුකරුවන් 05 දෙනෙකු සිට ඇති බවද මහේල කියා සිටියේය.
ශ්‍රී ලංකා ක්‍රිකට් සඳහා නිසි ක්‍රමවේදයක් තිබිය යුතු බව ඔහු දිර්ඝ කාලයක් තිස්සේ පැවසුවද නමුත් එම ක්‍රමවේදයන් තවමත් සකස් වී නොමැති බවද මහේල පෙන්වා දෙයි. තමන් ක්‍රීඩාවෙන් ලබා ගත් දේ ආපසු ලබා දීමට කැමති නමුත් වෘත්තීමය නොවන පරිසරයක සිට එය කළ නොහැකි බවද මහේල වැඩිදුරටත් කියා සිටියේ.
විවිධ හේතූන් මත ශ්‍රී ලංකා ක්‍රිකට් ක්‍රීඩාවට එක්වීම ප්‍රතික්ෂේප කළ ශ්‍රී ලංකා හිටපු ක්‍රිකට් ක්‍රීඩකයින් අතර ජයවර්ධන ද සිටී.
මහේල මේ බව කියා සිටියේ එක්සත් අරාබි එමීර් රාජ්‍යයේ ඩේලි මිරර් පුවත්පතට සාකච්ඡාවක් ලබාදෙමිනි.
(DailyMirror)
Source From sports AM
Author:
#SriLanka #News #lka