“ඔහුගේ වෙනුවට මගේ කඩුල්ලයි දැවී යන්න තිබුණේ” – රෝහිත් ශර්මාගෙන් ප්‍රකාශයක්

ඊයේ (10) දිනයේ දී පැවැති ඉන්දීය ප්‍රිමියර් ලීග් තරඟාවලියේ අවසන් තරගය අවස්ථාවේ පිළිතුරු ඉනිම ක්‍රීඩා කරමින් සිටි මුම්බායි ඉන්දියන්ස් කණ්ඩායමේ කඩුල්ලක් අවාසනාවන්ත දුවද්දී දැවී යෑමකට හසුව අහිමි විය.

මෙහිදී පිටියේ සිටියේ මුම්බායි ඉන්දියන්ස් කණ්ඩායමේ නායක රෝහිත් ශර්මා සහ එරට ජාතික කණ්ඩායමේ ස්ථානයක් අහිමිව සිටින සුපිරි පිතිකරුවෙකු වන සූර්යකුමාර් යාදව් දෙපළයි.

මෙහිදී එක් ක්ෂණික ලකුණක් ලබා ගැනීමට ගොස් යාදව් අවාසනාවන්ත ලෙස දුවද්දී දැවී ගියේය.

තරගයෙන් පසුව මේ දුවද්දී දැවී යාම සම්බන්ධයෙන් සිය අදහස පළ කළ මුම්බායි ඉන්දියන්ස් කණ්ඩායමේ නායක රෝහිත් ශර්මා ප්‍රකාශ කර සිටියේ සූර්යකුමාර් යාදව් යන පරිනත ක්‍රීඩකයෙක් බවයි.

රෝහිත් වැඩිදුරටත් ප්‍රකාශ කර සිටියේ යාදව්ගේ කඩුල්ල වෙනුවෙන් තම කඩුල්ල කැප කිරීම කළ යුතුව තිබුණි බවයි.

සූර්යකුමාර් යාදව් එලෙස දුවද්දී දැවී ගියද, තරගය අවාසන වීමට පන්දු 09ක් තිබියදී තරගය ජය ගෙන 05 වෙනි වරටත් ශූරයන් වීමට මුම්බායි ඉන්දියන්ස් කණ්ඩායම සමත්විය.