මෙරට 21 වෙනි කොරෝනා මරණයත් වාර්තා වෙයි

මෙරට 21 වෙනි කොරෝනා මරණයත් වාර්තා වෙයි.

කොවිඩ්-19 වෛරසය ආසාදනයවීමෙන් මෙරට තුළ සිදුවූ 21වන මරණ ඊයේ (31) දින වැලිසර ලය රෝහලේදී සිදුවූ බව රජයේ ප්‍රවෘත්ති දෙපාර්තමේන්තුව පවසයි.

මියගිය රෝගියා 40 හැවිරිදි පිරිමි පුද්ගලයෙකු වන අතර, ඔහු මහර ප්‍රදේශයේ පදිංචිකරුවෙකි.

අධි රුධිර පීඩනය සහ ස්වසන පද්ධතියේ ආසාදිත තත්ත්වයක් හේතුවෙන් පසුගිය 23වන දින ඔහු රෝහල් ගත වී ඇත.

පළමු පී.සී.ආර්. පරීක්ෂණයෙන් ඔහු ආසාදිතයෙකු වශයෙන් හදුනාගෙන නොමැති අතර, 31 වන දින මියගිය පසු පශ්චාත් මරණ පරීක්ෂණයේදී කරන ලද දෙවන පී.සී.ආර්. පරීක්ෂණයෙන් ඔහු කොවිඩ් ආසාදිතයෙකු ලෙස හදුනාගෙන ඇති බව වසංගත රෝග විද්‍යා අංශය මීට සුළු මොහොතකට පෙර තහවුරු කළ බව රජයේ ප්‍රවෘත්ති දෙපාර්තමේන්තුව නිවේදනය කරයි.