මරණ දඬුවම නියම වී දැනට බන්ධනාගාර ගත කර සිටින රත්නපුර දිස්ත‍්‍රික් පාර්ලිමේන්තු මන්ත්‍රී ප්‍රේමලාල් ජයසේකර පාර්ලිමේන්තුවට සහභාගී කරවන ලෙස කතානායක වරයා දැනුම් දී ඇත.
ඒ අනුව එළැඹෙන 08 වන දා පැවැත්වෙන පාර්ලිමේන්තු රැස්වීමට ඔහු සහභාගී කරවන්නැයි බන්ධනාගාර කොමසාරිස් ජනරාල් වරයාට තමා දැනුම්දුන් බව කතානායක මහින්ද යාපා අබේවර්ධන මහතා කියා සිටියේය.
ඔහු පාර්ලිමේන්තුවට නො කැඳවීම රත්නපුර දිස්ත්‍රික්කයේ ජනතාවට කරන අසාධාරණයක් බවද කතානායකවරයා සඳහන් කළේය.
ප්‍රේමලාල් ජයසේකර මහතා රත්නපුර මහාධිකරණය විසින් මරණීය දණ්ඩනය නියම කර ඇති අතර මේ වන විට ඔහු වැලිකඩ බන්ධනාගාරයේ රඳවා සිටී.
අදාල තීන්දුවට එරෙහිව ඔහු විසික් අභියාචනයක්ද ඉදිරිපත් කර ඇත.
Source From local-news AM
Author:
#SriLanka #News #lka