කිරිඇල්ල ඉඩමේ අයිතිය පිළි ගත්තේ ඉහළින් ලැබුණු උපදෙස් මත

මතභේදයට තුඩු දී තිබෙන මහනුවර හන්තානයේ අඩි 3000ට වඩා උසින් තිබෙන ඉඩම තමාගේ බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පිළිගෙන තිබෙන්නේ ආණ්ඩුවේ ඉහළම පුද්ගලයෙකුගෙන් ලැබුණු උපදෙස් මත බව දැනගන්නට තිබේ.

ඉඩමේ අයිතිය භාර නොගතහොත් ඒ සම්බන්ධයෙන් නඩු පැවරීමට සිදු වන බව ආණ්ඩුවේ බලවතා ඔහුට දැනුම් දී තිබේ.

මෙම ඉඩමේ ඇති වූ සිද්ධිය සම්බන්ධයෙන් කිරිඇල්ල මහතා ආණ්ඩුවේ මෙම ඉහළ බලවතාට කතා කොට තිබෙන බවද ආරංචි මාර්ග සඳහන් කරයි.

හන්තානේ අඩි 3000ක ඉහලින් තිබෙන සංවේදී ප්‍රදේශ අවසරයකින් තොරව හෙළි පෙහෙළි කිරීම හෝ සංවර්ධන කටයුතු සඳහා යොදා ගැනීම ගැසට් නිවේදන මඟින් තහනම් කොට තිබේ.

මේ සිද්ධිය සම්බන්ධයෙන් නඩු පැවරීමට පරිසර අමාත්‍ය මහින්ද අමරවීර මහතා සූදානම් වුවද ඉහත සඳහන් ආණ්ඩුවේ බලවතාගේ මැදිහත් වීම මත එය යටපත් වූ බවද වාර්තා වේ.