හිරු ටීවී ප්‍රවෘත්ති අංශයේ වසර 08 ක් සේවයකල මාධ්‍යවේදී නිරෝෂ් මෛත්‍රී අනීතිකව සේවයෙ පහකල රෙනෝට වැඩවරදි.. රුපියල් ලක්ෂ 135 ක් වන්දි ගෙවීමටත් අධිකරණය නියෝග කරයි..

හිරු ටීවී ප්‍රවෘත්ති අංශයේ වසර 08 ක කාලයක් සේවය කළ තරුණ ජනමාධ්‍යවේදින්ගේ සංගමය භාණ්ඩාගාරික News19 සංස්කාරක නිරෝෂ් මෛත්‍රි මහතා එම තනතුරින් අනීතිකව ඉවත්කිරීමේ නඩුවෙන් Asia Broadcasting Corporation (pvt) ltd ආයතනය අද (28) පරාජයට පත්වුණා.

ඒ අනුව මාධ්‍යවේදී නිරෝෂ් මෛත්‍රි මහතාට සේවය අවසන් කිරීමේදී එම ආයතනය නගා තිබූ චෝදනා කිසිවක් සාක්ෂි සහිතව ඔප්පු කිරීමට එම ආයතනය අසමත්වූ බව අධිකරණය නඩු තීන්දුව ප්‍රකාශයට පත්කරමින් සදහන් කළා.

එමෙන්ම ඔහුට එරෙහිව නගා තිබූ චෝදනා ආයතනයේ පාලනාධිකාරිය විසින් කිසිදු පදනමකින් තොරව හිතලුවක් ලෙසින් නගා ඇති බවත් ඒ අනුව වගඋත්තරකාර Asia Broadcasting Corporation සමාගම මාධ්‍යවේදී නිරෝෂ් මෛත්‍රි මහතාට සිදුවූ අසාධාරණය වෙනුවෙන් රුපියල් ලක්ෂ 135 ක මුදලක් ගෙවිය යුතු බවත් නියෝග කළා.

තීන්දුව ප්‍රකාශයට පත්කරමින් විනිසුරුවරයා සදහන් කළේ එළැඹෙන අගෝස්තු මස 02 වැනිදා දක්වා අභියාචනා කිරීමේ කාලයක් වගඋත්තරකාර පාර්ශවයට හිමිවන අතර ඒ දක්වා අදාළ වන්දි මුදල අධිකරණයේ තැන්පත් කළ යුතු බවයි.

The post හිරු ටීවී ප්‍රවෘත්ති අංශයේ වසර 08 ක් සේවයකල මාධ්‍යවේදී නිරෝෂ් මෛත්‍රී අනීතිකව සේවයෙ පහකල රෙනෝට වැඩවරදි.. රුපියල් ලක්ෂ 135 ක් වන්දි ගෙවීමටත් අධිකරණය නියෝග කරයි.. appeared first on ColomboXnews.