රාජිත, චම්පික, ෆොන්සේකා ආණ්ඩුවට..! රනිල්ගේ දොලපිදේනී සමඟ ඇමතිධුර ලැබෙන උත්සවය සති අන්තයේ..!

සමගි ජන බලවේගයේ රාජිත සේනාරත්න, ජනාධිපතිවීමට සිහින මැවු චම්පික රණවක සජිත් සමඟ ගැටුමක් නිර්මාණය කරගත් සරත් ෆොන්සේකා යන සමගි ජන බලවේගයේ මන්ත්‍රීවරුන් ජනාධිපති රනිල් වික්‍රමසිංහ මහතා සමඟ සන්ධානගත වීමට නියමිතව ඇතැයි ඩේලි මිරර් පුවත්පත වාර්තා කරයි.

ඉදිරි සති දෙකකට පෙරාතුව සිදු කරන කැබිනට් සංශෝධනයේදී ඔවුන්ට ද ඇමති ධූරය හිමිවීමට බොහෝ ඉඩ ඇති බව එම වාර්තාව කියා සිටී.

මෙම දේශපාලඥයන් ජනාධිපතිවරයා සමග ඒකාබද්ධ වීම සම්බන්ධයෙන් නිල උත්සවයක් මෙම සතිය අග බාගයේදී පැවැත්වෙනු ඇති බවද වාර්තාව තවදුරටත් කියා සිටියි. ජනාධිපති රනිල් වික්‍රමසිංහ මහතා විසින් අද දිනයේ සිදුකිරීමට නියමිත ජාතිය ඇමතිමෙන් පසු මෙම දේශපාලන වෙනස්කම් සිදුවනු ඇති බවද සඳහන්ය.

රාජිත සේනාරත්න පසුගිය කාලයේ දිගින් දිගටම රනිල් වික්‍රමසිංහ වෙනුවෙන් පෙනී සිටි අතර මහින්ද රාජපක්ෂ පවුල් පාලනයට එරෙහිව 2015 දී මෛත්‍රීපාල සිරිසේන සමග එක්වු පලමු පුද්ගලයාද ඔහුයි. කෙසේ නමුත් අදවන විට රාජපක්ෂ කදවුරේ බලයෙන් ජනාධිපතිධුරය හොබවන රනිල් වික්‍රමසිංහ සමග එකතුවීමට ඔහු සුදානම් වන අතර ඒත් සමගම දුෂිත රාජපක්ෂ කදවුර සමගද ඔහුට එකට වැඩකිරීමට සිදුවීම හාස්‍යජනක සිදුවීමකි.

මේ අතර පාඨලී චම්පික රණවකද දිගින් දිගටම රාජපක්ෂ කදවුර විවේචනය කල අතර දැන් නැවත රනිල්-රාජපක්ෂ හවුල සමග එකතුවීමට ඔහු හිත හදාගෙන ඇති බව පෙනීයයි. තමන්ට තනිව තරගකර ආසනයක්වත් දිනාගත නොහැකි වටපිටාවක චම්පික රණවකට අනිවාර්යෙන්ම මෙවැනි දුෂිත කදවුරක් සමග එකතුවීමට සිදුවන බව දේශපාලන විචාරකයින් පසුගිය වකවානුවේ පෙන්නා දී තිබුනි.

The post රාජිත, චම්පික, ෆොන්සේකා ආණ්ඩුවට..! රනිල්ගේ දොලපිදේනී සමඟ ඇමතිධුර ලැබෙන උත්සවය සති අන්තයේ..! appeared first on ColomboXnews.