ඊයේ (21) ජනාධිපතිවරයා කැඳවා ප්‍රසන්න රණතුංග විසින් කඩවත සංවිධානය කළ එක්ව ජයගමු රැළිය සඳහා ගම්පහ දිස්ත්‍රික් ආසන සංවිධායකවරු 19දෙනාගෙන් 15 දෙනෙකුම සහභාගී වී නැති බව පොහොට්ටුව පවසයි. ආණ්ඩු පක්ෂ ප්‍රධාන සංවිධායක ලෙස ප්‍රසන්න රණතුංග මන්ත්‍රීවරු බොහෝ දෙනෙකුට ආරාධනා කර සිටියත් ඔවුන් එම රැලියට සහභාගී වීම මග හැර ඇති බවත්, ගම්පහ දිස්ත්‍රික් පාර්ලිමේන්තු මන්ත්‍රී ප්‍රසන්න රණවීර කඩවත රැලියට සහභාගී නොවී පොහොට්ටුවේ බිංගිරිය ආසන සමුළුවට සහභාගී වී තිබුණු බවත් පොහොට්ටුවේ ආරංචි මාර්ග පෙන්වා දෙයි.
කෙසේ වෙතත් ජනාධිපති මාධ්‍ය ඒකකය ඊයේ නිවේදනය කළේ පොදු ජන පෙරමුණේ පාර්ලිමේන්තු මැති ඇමතිවරුන් 26 දෙනෙකු හා හිටපු පළාත් පාලන මන්ත්‍රීවරුන් 250 දෙනෙකු මෙන්ම 15,000කට අධික ජනතාවකගේ සහභාගීත්වයෙන් ඊයේ කඩවත රැළිය පැවති බවය.
එහිදී ජනාධිපතිවරයා පොදුජන පෙරමුණේ ජනාධිපති අපේක්ෂකයා ලෙස ඒකමතිකව යෝජනා සම්මතකයක් කරගත්තේය. එහෙත් පොහොට්ටුව පවසන්නේ තමන්ගේ ජනාධිපති අපේක්ෂකයා කවරෙක් ද යන්න පිළිබඳව තවම තීන්දුවක් ගෙන නොමැති බවය.
The post රනිල් වෙනුවෙන් ප්‍රසන්න සංවිධානය කල කඩවත රැස්වීමට ගම්පහ පොහොට්ටු සංවිධායකවරුන් 19න් 15ක්ම ඇවිත් නෑ appeared first on ColomboXnews.
Source From Colomboxnews
Author: Kamal Dhammika
#SriLanka #News #lka