ඇල්පිටිය ප්‍රාදේශීය සභා මැතිවරණයට නාම යෝජනා කැදවයි

2024 පළාත් පාලන ආයතන ඡන්ද විමසීමට අදාළව ඇල්පිටිය ප්‍රාදේශීය සභාවේ සභාපති, උපසභාපති සහ සභිකයන් තෝරා පත් කර ගැනීමට අදාළ ඡන්ද විමසීම සඳහා නාම යෝජනා කැදවීම ආරම්හ කර ඇති බව මැතිවරණ කොමිෂන් සභාව පවසයි.

මැතිවරණ කොමිෂන් සභාව මේ පිළිබඳව නිවේදනයක් නිකුත් කරමින් සඳහන් කර ඇත.

පළාත් පාලන ආයතන ඡන්ද විමසීම සඳහා නාම යෝජනා භාර ගැනීමේ නිවේදනය ඇල්පිටිය ප්‍රාදේශීය සභාවේ තේරීම්භාර නිලධාරී විසින් අද ( අගෝ. 26) ප්‍රකාශයට පත් කරනු ලැබ ඇත.

ඒ අනුව, අද සිට සැප්තැම්බර් 11 වන දා මධ්‍යහ්න 12 දක්වා (මෙම කාලය අතරතුර එළැඹෙන අගෝස්තු 31 හා සැප්තැම්බර් 1, 7 හා 8 යන සෙනසුරාදා හා ඉරිදා දිනවලදී හැර) ඡන්ද විමසීම සඳහා වූ ඇප මුදල් තැන්පත් භාර ගැනීම සිදු කරයි.

නාම යෝජනා භාර ගැනීම සැප්තැම්බර් 9 වන දා සිට සැප්තැම්බර් 12 වන දා මධ්‍යහ්න 12:00 දක්වා ගාල්ල දිස්ත්‍රික් ලේකම් දිසාපති කාර්යාලයේදී සිදු කිරීමට නියමිත ය.

එම නිවේදනය පහතින් දැක්වේ.

The post ඇල්පිටිය ප්‍රාදේශීය සභා මැතිවරණයට නාම යෝජනා කැදවයි appeared first on ColomboXnews.