මොන තරම් දත්ත හැංගුවත් බදුල්ලේ සෞඛ්‍ය ධාරිතාවය උපරිමයට ළංවෙලා – වෛද්‍ය පාලිත රාජපක්ෂ

කොවිඩ් ආසාදිතයින් හමුවෙමින් පැවති බදුල්ල, රිදීමාලියැද්ද, ගැමුණුපුර ඇඟළුම් කම්හලෙන් ඊයේ (09) දිනය වනවිට හඳුනාගත් සමස්ත ආසාදිතයින් සංඛ්‍යාව 597ක් දක්වා ඉහළ ගොස් තිබිණි. එම ආයතනයෙහි සමස්ත සේවක සංඛ්‍යාව 2300ක් වන අතර තවදුරටත් ආසාදිතයින් හමුවෙමින් පවතී. 

මේ අතර ආසාදිතයින් හමුවෙමින් පවතින මහියංගණයේ ඇඟළුම් කම්හලෙන් මෙතෙක් හඳුනාගත් ආසාදිතයින් සංඛ්‍යාව 115කි. 

මේ අනුව බදුල්ල දිස්ත්‍රික්කයෙහි සෞඛ්‍ය අංශ පවසන්නේ පාලනය කළ නොහැකි ආකාරයෙන් දිස්ත්‍රික්කය පුරා කොවිඩ් වසංගතය පැතිරයාමේ දැඩි අවදානමක් මතුව ඇති බවයි. 

“බදුල්ල දිස්ත්‍රික්කය තුළ රෝගය සමාජගත වීමේ ලකුණු අපට පේන්න තියෙනවා. මොන තරම් දත්ත සැඟෙව්වත් අපට කියන්න තියෙන්නෙ සෞඛ්‍ය ධාරිතාවය උපරිමයටම ළං වෙලා තියෙනවා. සෞඛ්‍ය සේවකයින් මීට ගොදුරු වෙමින් සිටිනවා. මේකට වහාම ප්‍රතිකාර නොකළහොත් අපිට සිද්ධවෙනවා සෞඛ්‍ය කාර්ය මණ්ඩලයෙන් යම්කිසි ක්‍රියාමාර්ගයකට යන්න” යනුවෙනුයි රජයේ වෛද්‍ය නිලධාරීන්ගේ සංගමයේ සාමාජික මෙන්ම වියත්මගේ ප්‍රබලයෙකු වන වෛද්‍ය පාලිත රාජපක්ෂ මහතා සඳහන් කළේ. 

වෛද්‍ය පාලිත රාජපක්ෂ මහතා මේ බව පැවසුවේ ඊයේ (09) බදුල්ලේ පැවති මාධ්‍ය හමුවක් අමතමිනි. 

ඒ මහතා පෙරේදා දිනයේ පළකර තිබුණු ෆේස්බුක් සටහනක් පහතින් දැක්වේ. 

The post මොන තරම් දත්ත හැංගුවත් බදුල්ලේ සෞඛ්‍ය ධාරිතාවය උපරිමයට ළංවෙලා – වෛද්‍ය පාලිත රාජපක්ෂ appeared first on ColomboXnews.