ජෝ බයිඩන් ඝාතනය කිරීමට උත්සාහ කළ පුද්ගලයෙකු අත්අඩංගුවට

ඇමෙරිකානු ජනපති ජෝ බයිඩන්ව ඝාතනය කිරීම සඳහා සැලසුම් කළ පුද්ගලයෙකු අත්අඩංගුවට ගෙන තිබේ.

මෙම පුද්ගලයා ඩේවිඩ් කයිල්ස් රිව්ස් නම් 27 හැවිරිදි පුද්ගලයෙකු ලෙස හඳුනා ගෙන ඇතැයි සඳහන් වෙයි.

මොහු විසින් ජනවාරි 28 සිට පෙබරවාරි 01 දක්වා කාලය තුළදී ධවල මන්දිරයේ දුරකථන සහායක අංශයට බැන අසභ්‍ය වචනයෙන් බැන වැදී තිබේ.

ඉන් එක අවස්ථාවකදී ඔහු විසින් ජනාධීපතිවරයාව ඝාතනය කරන බවටද පවසා තිබුණු අතර ඔහුගේ දුරකථන සම්බන්ධතා ඔස්සේ කරන ලද පරික්ෂණවලින් මෙම පුද්ගලයාව අත්අඩංගුවට ගැනීමට එෆ්.බී.අයි ආයතනය සමත්වී තිබේ.

තමන් විසින් ජනාධිපතිවරයාව ඝාතනය කරන බවත්, රහස් අංශ විනාශ කරන බවත් ඔහු විසින් පවසා තිබුණු බවද විදෙස් මාධ්‍ය වාර්තා කරයි. එමෙන්ම ඔහු විසින් ජනාධිපතිවරයාගේ මුහුණට පහර දෙන බවත් ජනාධිපතිවරයා මිය යනතුරු ඔහුගේ අසුනේ වාඩි වී බලා සිටින බවත් ප්‍රකාශ කර ඇතැයිද වැඩිදුරටත් සඳහන් වෙයි.

ඔහුව අත්අඩංගුවට ගැනීමෙන් පසුව පරික්ෂණ ක්‍රියාත්මක කර ඇති අතර ඔහුට පහරදීම්, පවුල් හිංසනය, ත්‍රස්තවාදී තර්ජන සහ ක්‍රියා, පොලිස් නිලධාරියෙකුට පහරදීම වැනි විවිධ අපරාධ චෝදනා රැසක්ද ඇති පුද්ගලයෙකු බවටද සොයාගෙන තිබේ.

එමෙන්ම ඔහුගේ නිතීඥ පාර්ශවයෙන් පවසා ඇත්තේ තම සේවා දායකයා මානසිකව අස්ථාවර පුද්ගලයෙකු ලෙසද පවසා ඇති අතර ඔහු ඖෂධ ලබා ගන්නා බවත් පවසා තිබේ.

The post ජෝ බයිඩන් ඝාතනය කිරීමට උත්සාහ කළ පුද්ගලයෙකු අත්අඩංගුවට appeared first on ColomboXnews.