ඉදිරි ජනාධිපතිවරණයේදී විපක්ෂයේ මෙන්ම ආණ්ඩුව තුල සිටින මන්ත්‍රීවරු මෙන්ම ව්‍යාපාරිකයින් තමන් වෙත දිනාගැනීම සදහා රනිල් වික්‍රමසිංහ විසින් බලපත්‍ර සහිත මත්පැන් අලෙවිසල් සංඛ්‍යාව 1108 සිට1578 දක්වා වැඩිකරමින් අලුතින් සුරාසැල් 470ක් ඇරඹිම සදහා සුරා බදු දෙපාර්තමේන්තුවට උපදෙස් ලබාදී තිබේ.
මීට අදාළ ගැසට් නිවේදනය අනුමැතිය සඳහා නුදුරේදීම පාර්ලිමේන්තුවට ඉදිරිපත් කිරීමට නියමිතය.
තම ජනාධිපති බලතල උපයෝගී කරගනිමින් මේ වනවිට රනිල් වික්‍රමසිංහ විසින් ඉදිරි ජනාධිපතිවරණයේ දී ජාතික ජනබලවේගයේ නායක අනුර කුමාර දිසානායකට එරෙහි පොදු අපේක්ෂකයා ලෙස තරඟ කිරීම සදහා විවිධ ආකාරයේ උපාය උපක්‍රම දියත් කරමින් පවතී.
ඒ අතරට එක්වන අලුත්ම උපක්‍රමය වන්නේ සජබ මන්ත්‍රීවරුන්ට සහ පොහොට්ටුවේ මන්ත්‍රීවරුන්ට බාර් ලයිසන් ලබාදීමේ මෙම වැඩසටහනයි. මෙහිදී සමගි ජන බලවේගයේ මන්ත්‍රීවරුන් සදහා විශේෂත්වයක් දැක්වීමටද තීරණය කර තිබේ. බාර් ලයිසන් ලබාගන්නා සජබ මන්ත්‍රීවරු ගණන 32ක් බවද මේවනවිට හෙළිදරව් වී තිබේ.
මීට අමතරව මැතිවරණ ව්‍යාපාරයට සහාය ලබාගත හැකි ව්‍යාපාරිකයින් ඉලක්කකරගනිමින් සාගල රත්නායක හරහා වෙනම ව්‍යාපාරිකයින්ගේ ලැයිස්තුවක්ද සකස්කර තිබේ.
මේ අතර ‘පොහොට්ටුවේ මන්ත්‍රීවරුන්ට බාර් ලයිසන් බෙදන්න පටන් අරන්, බාර් පර්මිට් දීලා හාල් දීලා නම් මේ පාර දිනන්න බෑ‘ යැයි සජබ මන්ත්‍රී මරික්කාර් පාර්ලිමේන්තුවේදී පසුගියදා ප්‍රකාශ කරන ලදි. ඔහු එහිදී සජබ මන්ත්‍රීවරුන්ටත් මෙම බාර් ලයිසන් ලබාදෙන බව සැගවීමට ප්‍රවේසම් විය.
මීට අමතරව විපක්ෂයේ සිටින මන්ත්‍රීවරුන් 32ක් ආණ්ඩුවෙන් බාර් ලයිසන් ගෙන ඇති බව මාධ්‍ය වාර්තා කොට ඇති බවත්, වහාම එම මන්ත්‍රීවරුන්ගේ නම් රටට හෙළිදරව් කළ යුතු බවත් ඩලස් අලහප්පෙරුම මහතා පාර්ලිමේන්තුවේදී පැවසීහ. ඒ මහතා පෙන්වා දුන්නේ මෙවැනි ප්‍රවෘත්තිවලින් විපක්ෂ මන්ත්‍රීවරුන්ගේ වරප්‍රසාද කඩවන බවත්, තමන් කෙදිනකවත් මත්පැන් බලපත්‍ර ලබා ගෙන නොමැති බවත්ය.
බාර් ලයිසන් ගත්ත සජබ මන්ත්‍රීවරු කවුද..?
The post ජනාධිපතිවරණය ඉලක්ක කරගෙන රනිල්ගෙන් මන්ත්‍රීවරු සහ ව්‍යාපාරිකයින් දිනාගන්න අලුතින් බාර් ලයිසන් 470 ක් ලබාදීමට සුදානම්… සජබ මන්ත්‍රීන් 32ක් ඒ අතර.. (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka