කොවිඩ් ආසාදිතයින්ට දෙන කෑම වල පණුවන්

බගවන්තලාව මෝරා තේ වතුයායේ පිහිටි ජාතික වැවිලි කළමනාකරණ ආයතනයේ පවත්වාගෙන යන නිරෝධායන හා ප්‍රතිකාර මධ්‍යස්ථානයේ සිටින කොවිඩ් ආසාදිතයින්ට උදෑසන ලබාදුන් ආහාර වේල ප්‍රතික්ෂේප කර තිබුණි. ඒ එම කෑම ආහාරයට ගැනීමට නුසුදුසු බව පවසමිනි.

ආහාර වල පණුවන් සිටි බවත් ඒ පිළිබඳ ව කිසිවෙක් වගකීමක් නොගන්නා බවත් එම ස්ථානයේ ප්‍රතිකාර සඳහා රඳවා ඇති පිරිස් පැවසූහ.

“මෙතන හම්බවෙන කෑම සාමාන්‍ය මනුස්සයෙකුට කන්න පුළුවන් විදිහේ කෑම නෙමෙයි. උදේ කෑම එකේ පණුවෝ. දැන් ඒක කිව්වාම මෙතන වගකීමක් ගන්න නිලධාරියෙක් නැහැ. වතුර ටිකක් නෑ. අපි සත්තු නෙමෙයි,” යනුවෙන් එහි පුද්ගලයෙකු පැවසීය.

මෙම මධ්‍යස්ථානය තුළ තලෙයිමන්නාරම, ගලේවෙල, ගම්පහ, නුවරඑළිය, කොළඹ ඇතුළු දිවයිනේ විවිධ ප්‍රදේශවල ආසාදිතයන් 136 දෙනෙකු ප්‍රතිකාර ලබයි.

The post කොවිඩ් ආසාදිතයින්ට දෙන කෑම වල පණුවන් appeared first on ColomboXnews.