ආණ්ඩු පක්ෂ රැස්වීමේදී, යෝජිත 20 වැනි ආණ්ඩුක්‍රම ව්‍යවස්ථා සංශෝධනයේ අඩු ලුහුඬුකම් පිළිබඳව අදහස් දැක්වීම සම්බන්ධයෙන් පොදුජන පෙරමුණේ කොළඹ දිස්ත්‍රික් පාර්ලිමේන්තු මන්ත්‍රී ප්‍රේමනාත් සී. දොලවත්ත මහතාගෙන් නිදහසට කරුණු විමසා තිබෙනවා.
පොදුජන පෙරමුණේ ලේකම්, පාර්ලිමේන්තු මන්ත්‍රී සාගර කාරියවසම් මහතා, දොලවත්ත මන්ත්‍රීවරයාට ලිපියක් යවමින් දන්වා ඇත්තේ අදාල අදහස් දැක්වීම සම්බන්ධයෙන් වහාම කරුණු දක්වන ලෙසයි.
ආණ්ඩුක්‍රම ව්‍යවස්ථාවේ 53 වන වගන්තියේ සඳහන් රටේ ඒකීයභාය සුරකින බවට වගන්තිය නව සංශෝධනයට ඇතුළත් නොවීම සම්බන්ධයෙන් දොලවත්ත මන්ත්‍රීවරයා ආණ්ඩු පක්ෂ මන්ත්‍රීවරුන්ගේ රැස්වීමේදී අදහස් දක්වා තිබෙනවා. එම වගන්තිය ඇතුළත්ව නොමැති වීම බරපතල අඩුවක් බවත් ඒ නිසා ඊට සංශෝධන ගෙන ආ යුතු බවත් මන්ත්‍රීවරයා වැඩිදුරටත් පවසා තිබෙනවා.
මීට පෙර 20 වැනි සංංශෝධන කෙටුම්පත කැබිනට් මණ්ඩලයට ඉදිරිපත් වූ අවස්ථාවේදීද ඇමතිවරුන් කිහිප දෙනෙකුගෙන් විවේචන එල්ල වී තිබූ බව වාර්තා විය. කෙසේ වෙතත් බහුතර ඇමතිවරුන්ගේ විරෝධය හමුවේ අදාල ඇමතිවරුන්ට එම විවේචන හකුළා ගැනීමට සිදු වූ බවයි වාර්තා වී තිබුණේ.
The post ඒකීය රටත් 20 න් අහෝසි වෙනවාදැයි ඇසූ මන්ත්‍රී ප්‍රේමනාත් සී. දොලවත්තගෙන් පොදුජන පෙරමුණේ ලේකම් නිදහසට කරුණු විමසයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka