කිසිඳු ආකාරයක නීති විරෝධී වැඩක් හෝ මැතිවරණ නීති උල්ලංඝණය කිරීමක් සිදුවී නෑ..! මලිමාවේ හෙද සමුළුවට එරෙහි නැගෙන චෝදනාවලට අනුර කුමාරගෙන් පිළිතුරු (වීඩියෝ)

පසුගියදා පැවැත්වූ ජාතික හෙද සමුළුව සඳහා නිල ඇඳුමින් හෙද හෙදියන් සහභාගී වීම රජයේ රෙගුලාසි සහ චක්‍රලේඛවලට යටත්ව සම්පූර්ණයෙන් නීත්‍යානුකූළව සිදුවූවක් බව ජාතික ජන බලවේගයේ නායක අනුර කුමාර දිසානායක පවසනවා.

අදාළ සමුළුව තම පක්ෂයට අනුබද්ධ සමස්ත ලංකා හෙද වෘත්තිය සමිතියේ වාර්ශික සමුළුව බවද, සෑම වර්ෂයකම පැවැත්වෙන එම සමුළුව සඳහා සහභාගී වීමට ඔවුන්ට රාජකාරී නිවාඩුද ලබා දෙන අතර එය ඔවුන් සතු වෘත්තිය සමිති අයිතිවාසිකමක් බ​වද ඔහු පෙන්වා දෙනවා.

පසුගිය වර්ශයේ පැවති මෙම සමුළුවට තමන්ට සහභාගී වීමට නොහැකි වූ බවද, මෙම වර්ශයේදී එම වෘත්තිය සමිතියෙන් ලැබුනු ආරාධනය අනුව තමන් ඊට සහභාගි වූ බවයි ඊයේ (29) රූපවාහිනි වැඩසටහනක් අතරතුර ඔහු සඳහන් ක​ළේ.

එබැවින් එහිදී කිසිඳු ආකාරයක නීති විරෝධී වැඩක් හෝ මැතිවරණ නීති උල්ලංඝණය කිරීමක් සිදු නොවූ බවද, සිදු වූයේ වෘත්තිය සමිතියක පැවති සමුළුවකට තමන් ආරාධිතයෙක් ලෙස සහභාගී වීමක් පමණක් බව ඔහු අවධාරණය කළා.

The post කිසිඳු ආකාරයක නීති විරෝධී වැඩක් හෝ මැතිවරණ නීති උල්ලංඝණය කිරීමක් සිදුවී නෑ..! මලිමාවේ හෙද සමුළුවට එරෙහි නැගෙන චෝදනාවලට අනුර කුමාරගෙන් පිළිතුරු (වීඩියෝ) appeared first on ColomboXnews.