නවීන් දිසානායක අතේ පත්තු වන බේගල් ඇදබායි

රනිල් වික්‍රමසිංහ මහතා එජාප නායකත්වයෙන් ඉවත් විය යුතු බවත් තමන් එජාප නායකත්වයට සුදුසු බවත්, තමන් කෙලින් කතා කරන පුද්ගලයෙකු බව පවසන එජාප ජාතික සංවිධායක නවින් දිසානායක මහතා ඒ අතරතුර අතේ පත්තු වන බේගල් ඇද බා තිබෙන බව අනාවරණය වේ.

ඒ තමන් මහින්ද රාජපක්ෂ රජයේ වසර තුනක් වැනි කාලයක් බවත් එසේ කළේ යුද්ධය නිම කිරීමට සහය දීමට බවට කරන ප්‍රකාශයයි.

2007 නවින් දිසානායක මහතා සිය මාමණ්ඩිය වන කරූ ජයසුරිය මහතාගේ ප්‍රධානත්වයෙන් යුත් 16 දෙනෙකුගෙන් යුත් එක්සත් ජාතික පක්ෂ මන්ත්‍රී කණ්ඩායමක් සමඟ මහින්ද රාජපක්ෂ රජයට සහය දීමට ගිය අතර ඉන් යුද්ධය නිම වීමෙන් පසු පැමිණි එකම පුද්ගලයා වූයේ කරූ ජයසුරිය මහතා පමණි. ඒ ඔහුට මහින්ද රාජපක්ෂ මහතා විසින් කරන ලද දොස් පැවරීමක් මුල් කොට ගෙනය. 

2004 මහ මැතිවරණයේදී එජාප ජාතික ලැයිස්තු මන්ත්‍රී වරයෙකු ලෙස පත් කෙරුණු නවින් දිසානායක මහතා 2010 මහ මැතිවරණයේදී එජනිසය නියෝජනය කරමින් නුවරඑළිය දිස්ත්‍රික්කයට තරඟ කොට ජයගෙන මහින්ද රාජපක්ෂ රජයේ රාජ්‍ය කලමනාකර අමාත්‍ය ධූරය 2014 නොවැම්බර් 18 ජනාධිපතිවරණය ප්‍රකාශයට පටන් කරන තුරුම හෙබවීය. ඒ අනුව ඔහු මහින්ද රාජපක්ෂ රජයේ සිටි කාලය වසර තුනක්  නොව වසර 07 හමාරකි. මහින්ද රාජපක්ෂ මහතා ඔහුට නිසි සැලකීමක් නොකළ හේතුව මත ඔහු යලිත් එජාපයට එක් වූ බව ප්‍රකට කරුණකි.