විමල්ගේ රාජ්‍ය ඇමති ජයන්ත සමරවීර පොහොට්ටුවට?

විමල් වීරවංශ මහතාගේ නායකත්වයෙන් යුත් ජාතික නිදහස් පෙරමුණ නියෝජනය කරන ජයන්ත සමරවීර රාජ්‍ය අමාත්‍යවරයා සෘජුවම පොදු ජන පෙරමුණට සම්බන්ධ වීමට සූදානම් බව එම පක්ෂ අභ්‍යන්තර ආරංචි මාර්ග සදහන් කරයි.

කළුතර දිස්ත්‍රික්කය නියෝජනය කරන ජයන්ත සමරවීර රාජ්‍ය අමාත්‍යවරයා පොදුජන පෙරමුණේ පිරිසක් හා සිය පක්ෂ නායකයා වන විමල් වීරවංශ අමාත්‍යවරයා අතර මේ වනවිට ඇතිවී තිබෙන ගැටුමේදී මධ්‍යස්ථ පිළිවෙතක් අනුගමනය කරන බවද පෙනෙන්නට තිබේ.

විමල් වීරවංශ මහතාගේ නායකත්වයෙන් යුත් ජාතික නිදහස් පෙරමුණ නියෝජනය කරන පාර්ලිමේන්තු මන්ත්‍රීවරුන් 6 දෙනකු සිටින අතර ඉන් 2 දෙනෙකු සෘජුවම පොදුජන පෙරමුණට සම්බන්ධ කර ගැනීමට සාකච්ඡා මේ වන විට පැවැත්වෙමින් තිබෙන බවද ආරංචි මාර්ග සඳහන් කරයි.

එහි ප්‍රතිඵලයක් ලෙස සමරවීර රාජ්‍ය අමාත්‍යවරයා පොදුජන පෙරමුණට සම්බන්ධ වනු ඇති බව වාර්තා වේ. එසේ සම්බන්දවන්නේ නම් ඔහු දැනට දරණ රාජ්‍ය අමාත්‍යධුරයට වඩා ප්‍රබල ඇමතිධුරයක් ලබාදීම පිලිබදව පොදුජන පෙරමුණේ ඉහලම නායකයෙක් පොරොන්දු වී ඇති බවද වාර්තාවේ.

විමල් වීරවංශ මහතා ජාතික නිදහස් පෙරමුණ පිහිටුවා ගැනීමෙන් පසු එහි ප්‍රබල සමාජිකයින් වු නන්දන ගුණතිලක, පියසිරි විජේනායක, වීරකුමාර දිසානායක, හිටපු ලේකම් ප්‍රියන්ජිත් විතාරණ, රොජර් සෙනවිරත්න වැනි විශාල පිරිසක් මේවනවිට ඔහු හැරගොස් ඇත.

The post විමල්ගේ රාජ්‍ය ඇමති ජයන්ත සමරවීර පොහොට්ටුවට? appeared first on ColomboXnews.