20 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට ඡන්දය දීමෙන් වැළකීම මත හිටපු ජනපති මෛත්‍රීපාල සිරිසේන මහතාව වීරයෙකු ලෙස හදුන්වන්නේ නම් එය මෙරට සිටි සැබෑ වීරයන්ට කරන නිග්‍රහයක් බව පාර්ලිමේන්තු මන්ත්‍රී ගෙවිඳු කුමාරතුංග මහතා සඳහන් කරයි.
යුතුකම සංවිධානයේ සභාපතිවරයා ද වන කුමාරතුංග මහතා වැඩි දුරටත් සඳහන් කරන්නේ 20 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් වත්මන් ජනාධිපතිවරයා හිටපු ජනාධිපතිවරයාගෙන් ආණ්ඩු පක්ෂ මන්ත්‍රී කණ්ඩායම් රැස්වීම් කිහිපයකදීම ප්‍රසිද්ධියේම ප්‍රශ්න කළත් ඒ හැම අවස්ථාවකදීම හිටපු ජනපතිවරයා නිහඬව සිටීමට කටයුතු කළ බවය.
ඓතිහාසිකව අපට උරුම කර දී තිබෙන සම්ප්‍රදායන්ට අනුව මඟහැර යාම වීරත්වයක් ලෙස හඳුන්වන්නේ කුමන පදනමකින්ද යන්න කුමාරතුංග මහතා ප්‍රශ්න කරයි.
ගෙවිඳු කුමාරතුංග මහතා මෙම අදහස් පල කලේ ඒෂියන් මිරර් සමග සාකච්ඡාවකට එක්වෙමිනි.
Source From local-news AM
Author:
#SriLanka #News #lka