2022 අප්‍රේල් මාසය අවසානයේ දී මෙම අගය රු. බිලියන 23,310.1 ක් ලෙසින් දැක්වුණු අතර 2021 වසර අවසානයේ දී මධ්‍යම රජයේ සමස්ත ණය ප්‍රමාණය රු. බිලියන 17,589.4 ක් ලෙසින් සටහන් විය.
මේ අනුව මැයි මාසය තුළ දී පමණක් රජයේ ණය ඉහළ ගොස් ඇති ප්‍රමාණය රු. බිලියන 741.2 කි.
2022 මැයි මාසයේ දී සමස්ත ණය ප්‍රමාණයෙන් රු. බිලියන 12,522.1 ක් දේශීය ණය ලෙසත් රු. බිලියන 11,529.2 ක් විදේශීය ණය ලෙසත් වාර්තා වේ.
2022 අප්‍රේල් මාසයේ දී දේශීය ණය රු. බිලියන 12,442.3 ක් හා විදේශීය ණය රු. බිලියන 10,867.8 ක් ලෙසින් වාර්තා වී තිබුණි.
මේ අනුව මැයි මාසය තුළ දේශීය ණය රු. බිලියන 79.8කින් හා විදේශීය ණය රු. බිලියන 661.4කින් ඉහළ ගොස් ඇත.
මේ අතර ශ්‍රී ලංකා මහ බැංකුව පවසන්නේ, 2014 වසරේ දී ජාත්‍යන්තර මූල්‍ය අරමුදල විසින් ප්‍රකාශයට පත් කරන ලද රාජ්‍ය මූල්‍ය සංඛ්‍යාලේඛන සම්පාදනය කිරීමේ මාර්ගෝපදේශවලට අනුව, අනේවාසිකයන් සතු ශ්‍රී ලංකා සංවර්ධන බැඳුම්කරවල ආයෝජන සහ ජාත්‍යන්තර ස්වෛරීත්ව බැඳුම්කරවල ආයෝජන විදේශීය ණය යටතේ වර්ගීකරණය කර ඇති බවත්, නේවාසිකයන් සතු ශ්‍රී ලංකා සංවර්ධන බැඳුම්කරවල ආයෝජන සහ ජාත්‍යන්තර ස්වෛරීත්ව බැඳුම්කරවල ආයෝජන දේශීය ණය යටතේ වර්ගීකරණය කර ඇති බවත්ය.
The post මහ ආණ්ඩුවේ ණය කන්ද ට්‍රිලියන 24 පනී appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka