මෙවර එක්සත් අරාබි එමීර් රාජ්‍යයේ පවත්වනු ලබන ඉන්දීය ප්‍රිමියර් ලීග් තරඟාවලියේ ඊයේ (30) දිනයේ පැවැති රාජස්ථාන් රෝයල්ස් සහ කින්ග්ස් ඉලවෙන් පන්ජාබ් අතර තරඟාවලියේ ක්‍රිස් ගේල්ගේ දැවී යාම බොහෝ දෙනෙකු සංවේදී මෙන්ම පුදුමයට පත් කළ සිදුවීමක් බවට පත් වී තිබුණි.
රාජස්ථාන් රෝයල් කණ්ඩායම වෙනුවෙන් ක්‍රීඩා කරන එංගලන්ත ක්‍රිකට් කණ්ඩායමේ සුපිරි වේග පන්දු යවන ක්‍රීඩක ජොෆ්රා ආචර්ගේ පන්දුවක් හමුවේ ලකුණු 99ක් ලබා සිටි ක්‍රිස් ගේල් දැවී ගියේය.
එම අවස්ථවේ සංවේදී වූ ක්‍රිස් ගේල් තමන්ගේ පිත්ත විසි කර දැමීමටද කටයුතු කළේය. කෙසේ වෙතත් නැවත ක්‍රීඩාගාරයට ගිය ගේල් ආචර් සමඟ සුහදව අතට අත දෙනු දකින්නට ලැබුණි.
මෙම සිදුවීමෙන් පසුව ජොෆ්රා ආචර්ගේ ට්විටර් ගිනුමේ පළ කර තිබු ට්ටිටර් සටහනක් දෙසට බොහෝ දෙනාගේ අවධානය යොමුව තිබුණි.
එහි සඳහන් වුයේ අපුරු කතාවක් මෙන්ම ඊයේ දිනයට ගැලපෙන කතාවක් වීමද විශේෂත්වයකි.
එහිදී ආචර් විසින් සටහන් කර තිබුණේ තමන් පන්දු යවනවා නම් පිතිකරුවාට ලකුණු 100 පසු කිරීමට ඉඩ ලබා නොදෙන බවයි. මෙම ට්විටර් සටහන ඔහු විසින් 2013 වසරේ දී පළ කර තිබූ එකක් වුවත් ක්‍රිකට් ලෝලීන් විසින් එය නැවත ඉහළට ගෙන තිබුණි.
එමෙන්ම ජොෆ්රා ආචර් ක්‍රීඩා කරන රාජස්ථාන් රෝයල් කණ්ඩායම විසින්ද එය නැවත පළ කර තිබුණේ එය 100%ක් නිවැරැදි බවද පවසමිනි.
එම ට්විටර් සටහන පහතින්,
100% True. https://t.co/D1NLzbdPU4
— Rajasthan Royals (@rajasthanroyals) October 30, 2020
Source From sports AM
Author:
#SriLanka #News #lka