නැවත වරක් ක්‍රිකට් පිටිය ආදරණීය කළ අනුෂ්කා – කෝලි ආදරය

නැවත වරක් ක්‍රිකට් පිටිය ආදරණීය කළ අනුෂ්කා - කෝලි ආදරය

ඉන්දීයානු ක්‍රිකට් කණ්ඩායමේ නායක මෙන්ම සුපිරි පිතිකරු විරාට් කෝලි සහ ඔහුගේ බිරිඳ සුරූපි බොලිවුඩ් නිළි අනුෂ්කා ශර්මාගේ ආදරය නැවත වරක් ක්‍රිකට් ප්‍රේක්ෂකයන්ගේ හදවත් සොර ගැනීමට සමත් ව තිබේ.

චෙන්නායි සුපර් කිංග්ස් කණ්ඩායම සහ විරාට් කෝලි නායකත්වය දරන රෝයල් චැන්ලෙන්ජර්ස් බැංග්ලෝර් කණ්ඩායම දෙක අතර තරඟයේ දී නිකුත් වූ කුඩා වීඩියෝ සටහනක් නිසා ක්‍රිකට් ප්‍රේක්ෂකයන් බොහෝ දෙනෙකුගේ අවධානය මෙම යුවලට නැවත වරක් හිමිව තිබුණි.

එළැඹෙන වසරේ දරු ප්‍රසුතියට සුදානම් වන අනුෂ්කා ශර්මා තමන් ස්වාමිපුරුෂයා වන විරාට් කෝලි හට සුබ පැතීමට හා තරගය නැරඹීමට පැමිණ සිටියේය.

තරගය අතර තුර ක්‍රීඩකයන්ගේ පවුලේ සාමාජිකයන් සඳහා වෙන් කර ඇති ප්‍රේක්ෂකාගාරයේ සිටි අනුෂ්කාගෙන් විරාට් කෝලී පිටියේ සිටම “කෑවාද?” යන්න ඇසීමත්, අනුෂ්කා තම මහපට ඇඟිල්ල පෙන්වා “කෑම කෑවා” යන්න පැවසීමත් මෙලෙස ක්‍රිකට් ප්‍රේක්ෂකයන්ගේ ආදරය දිනා ගැනීමට සමත් වූ සිදුවීම වී තිබුණි.

මෙම සිදුවීම ඇති වීඩියෝ සටහනද සමාජ මාධ්‍ය ඔස්සේ බොහෝ දෙනාගේ අවධානයටද යොමුව තිබුණි.

එම වීඩියෝ සටහන පහතින්,

Source From sports AM
Author:
#SriLanka #News #lka