රටේ ස්වර්ණමය යුගය අගෝස්තු 05න් පසු බලාපොරොත්තුවන්න

අඩුවෙන්ම රටේ බදු මුදල් උපයෝගී කරගන්නා අගමැති බවට තමන් පත්වෙන බව සමගි ජන බලවේගයේ නායක සජිත් ප්‍රේමදාස මහතා පවසයි.

ඔහු මේ බව සඳහන් කළේ ගල්කිස්සේ පැවති ජන හමුවකට එක් වෙමිනි.

ඉදිරි මහ මැතිවරණය සඳහා සමගි ජන බලවේගයේ ජය තහවුරු කිරීම වෙනුවෙන් සංවිධාන කළ ජනහමු මාලාවේ තවත් ජනහමුවක් ඊයේ පැවැත්වුණේ ගල්කිස්ස මංසන්ධියේදීයි.

එම ජනහමුව අමතමින් සජිත් ප්‍රේමදාස මහතා පැවසුවේ, “මෙරට දේශපාලන ඉතිහාසයේ ආර්ථික වර්ධනයේ ස්වර්ණමය යුගය බිහිකරන්න කැපවෙනවා. අපේ ආණ්ඩුවක ඇමතිධුර දැරීම සෞභාග්‍යවත් රජදහනක් නොවෙයි. රටදැය ගොඩනැගීමට පරාර්ථකාමීව දුෂ්කරක්‍රියා කරන රජයක් බිහිකරනවා. කවුරුත් හිතන්න එපා සජිත්ගේ නායකත්වයෙන් එන ආණ්ඩුවක රට සවාරි , විනෝද සවාරි නැහැ. පරාර්ථකාමීත්වයට ආදර්ශය දෙන්නෙ ඉහළම තැනින්. අඩුවෙන්ම රටේ බදු මුදල් උපයෝගි කරගන්න අගමැති බවට පත්වෙනවා” යනුවෙනි.