යාපනය විශ්වවිද්‍යාලයේ සිසුන් හා ආචාර්යවරුන් අතර උණුසුම් තත්වයක් : සිසුන්ට පහරදුන්නේ යැයි විරෝධතාවකුත්

යාපනය විශ්වවිද්‍යාලයේ කලා අංශයේ සිසුන් හා ආචාර්ය මණ්ඩලයේ අතර ඊයේ (08) රාත්‍රියේ ඇති වූ උණුසුම්කාරි තත්වය පිළිබඳව පූර්ණ පරික්ෂණයක් පවත්වා විනයානුකූල පියවර ගන්නා බවට යාපනය විශ්වවිද්‍යාලයේ උපකුලපති ශ්‍රී සද්ගුණරාජා පවසා සිටියේය.

යාපනය විශ්වවිද්‍යාලයේ කලා අංශයේ දෙවන හා තුන්වන වසර වල සිසුන් පිරිසක් අතර සරසවි උද්‍යානය තුල ඇති වූ බහින්බස් වීමක් දුරදිග යාමෙන් ගැටුමක් දක්වා දුරදිග යාමේ උණුසුම්කාරී තත්වයක් හට ගැනීමත් සමග එය විසඳීම සඳහා සරසවි ආචාර්ය වරුන් කිහිප දෙනෙකු හා ආරක්ෂක නිලධාරීන් අදාල ස්ථානයට පැමිණ ඇත.

එහිදී සරසවි ආචාර්ය වරුන් සමග සිසුන් ඇතිකරගත් බහින්බස් වීමක් දුර දිග යාමෙන් එහි සිසුන් පිරිසක් විසින් සරසවි ආචාර්ය වරුන් විසින් තමන්ට තර්ජනය කොට පහරදුන්නේ යැයි පවසා විරෝධතාවයක නිරත වූහ.

එහිදී සිසුන් විසින් යාපනය විශ්ව විද්‍යාලයේ ඇතුල්වීමේ දොරටුව ඉදිරිපිට හිඳගනිමින් සරසවි ආචාර්ය වරුන්ට එරෙහිව විරෝධතාවක නිරත වෙමින් සාධාරණයක් සිදු කරන ලෙසට ඉල්ලා සිටියහ.

අනතුරුව අදාල ස්ථානයට පොලීසිය සමග පැමිණි යාපනය විශ්වවිද්‍යාලයේ උපකුලපති එස්. ශ්‍රීසද්ගුණරාජා විසින් අදාල සිදු වීම සම්බන්ධයෙන් පූර්ණ පරික්ෂණයක් සිදු කිරීමට පියවර ගන්නා බවටත් සියලු වැරදි කරුව්නට එරෙහිව විනායානු කූල පියවර ගන්නා බවටත් ප්‍රකාශ කිරීමෙන් පසුව විරෝධතාවය නවතා දැමීමට සිසුන් විසින් පියවර ගනු ලැබීය.