ඊයේ විග්නේෂ්වරන්ගේ ජාතිවාදී කතාවට මනූෂ වැට බඳි (VIDEO)

ඊයේ විග්නේෂ්වරන්ගේ ජාතිවාදී කතාවට මනූෂ වැට බඳි (VIDEO)

ඊයේ (20) පැවැති 09 වැනි පාර්ලිමේන්තුවේ මංගල සැසිවාරයේ දී නව කතානායකවරයාට සුබ පැතුම් එක්කරමින් කරන ලද කතා අතර නවක පාර්ලිමේන්තු මන්ත්‍රීවරයෙකු වන උතුරු පළාත් හිටපු මහ ඇමති සී. වී. විග්නේෂ්වරන් මහතා සිදු කළ කතාව සමාජය තුළ දැඩි කතාබහකට ලක් වී තිබේ.

එහිදී විග්නේෂ්වරන් මහතා නව කතානායකවරයාට සුබපැතීමට වඩා ජාතිවාදය ඇවිස්සෙන සුළු ප්‍රකාශයක් සිදුකළේය. ශ‍්‍රී ලංකාව නිජබිම කරගත් පලමු ස්වදේශීක වැසියන්ගේ භාෂාව දමිල බස බවත් එය නොනැසී පවතින ලෝකයේ පැරණිම භාෂාව බවත් ඔහු ප්‍රකාශ කර සිටියේය. එමෙන්ම වර්තමාන රජය ගැන අදහස් ප්‍රකාශ කළ අතර 1977දී බිහි වූ ප්‍රබල රජය 1983දී දමිල වැසියන්ට වද බන්ධන සිදු කල බවත් ඔහු පෙන්වා දුන්නේය.

ඔහුගේ කතාවේ දී ඔහු වැඩිදුරටත් කියා සිටියේ උතුර හා නැගෙනහිර ජීවත්වන ජනතාවට ස්වභාවිකවම උරුම වී ඇති අයිතීන් සේම ඔවුනට හිමි ස්වයං පාලන අයිතීන් පිලිගැනීම කල යුතු බවයි.

අද (21) දිනයේ පාර්ලිමේන්තු සැසිවාරයේ දී මනූෂ නානායක්කාර මහතා විසින් විග්නේෂ්වරන් මහතා ඊයේ දිනයේ දී කළ ජාතිවාදී කතාව විවේචනය කරමින් ඉල්ලීමක් කළේය.

පාර්ලිමේන්තු මන්ත්‍රී මනූෂ නානායක්කාර මහතා අවධාරණය කර සිටියේ ඊයේ දිනයේ දී පාර්ලිමේන්තු මන්ත්‍රීවරුන් ලෙස සියලු දෙනා දිවුරුම් දෙන අවස්ථාවේ මේ රටේ වෙන රාජ්‍යයක් සකස් කිරීම, ඊට අනුබල දීම, ඒ වගේම එයට මුදලින් හෝ අනියමින් ආධාර අනුබල දීම වැනි දේවල් සිදුනොකරන බවට දිවුරුම් දුන් බවයි.

යුද්ධය අවසන් කර නිජබිම් සංකල්පය වැනි දේවල් ඉවත් කර සියලු දෙනා ශ්‍රී ලාංකිකයන් ලෙස කටයුතු කරන මොහොතක විග්නේෂ්වරන් මන්ත්‍රීවරයා විසින් කරන ලද කතාව පාර්ලිමේන්තුවේ හැන්සාඩ් ගත වීම වැරැදි බව මනූෂ නානායක්කාර මන්ත්‍රීවරයා ප්‍රකාශ කර සිටියේය.

තම තමන්ට මත තිබිය හැකි බවත්, එවැනි පෞද්ගලික මතයන් ශ්‍රී ලංකා පාර්ලිමේන්තුවේ හැන්සාඩ් ගත වීම වැරැදි බව පවසා සිටි අතර ඒවා වහාම ඉවත් කරන ලෙසද කතානායකවරයාගෙන් ද ඉල්ලා සිටියේය.

කතානායක මහින්ද යාපා අබේවර්ධන මහතා විසින් ඒ පිළිබඳව සොයා බලා කටයුතු කරන බවද පවසා සිටියේය.

උතුරු පළාත් හිටපු මහ ඇමති මෙන්ම හිටපු ශ්‍රේෂ්ඨාධිකරණ විනිසුරු වරයෙකුද වන සී. වී. විග්නේෂ්වරන් මහතා පසුගිය කාල වකවානුව පුරාවටම ශ්‍රී ලංකාවේ ඒකීයභාවය සහ භෞමික අඛණ්ඩතාවයට හානි වන ආකාරයෙන් ප්‍රසිද්ධියේම ප්‍රකාශ සිදු කර තිබේ.

මනුෂ නානායක්කාර මහතා අද දින කළ ප්‍රකාශය.

විග්නේෂ්වරන් ඇණයක් වන ලකුණු – මංගල සැසියේ දීම බෙදුම්වාදය හා අන්තවාදය පතුරුවයි

සුබ පැතීමේ කතාව පැත්තකට දමා විග්නේශ්වරන් දේශපාලන කතාවක් කරයි

Source From local-news AM
Author:
#SriLanka #News #lka