ආරණ්‍යවාසීව බුදුන් දෙසූ මඟ සෙවූ ඩෙන්මාර්කයේ අතිපූජ්‍ය ඥානදීප හිමියන් දිවිසැරියෙන් නික්ම යයි

ලග්ගල මහා වනාන්තරයේ තිස්වසරක කාලයක් ආරණ්‍යවාසීව  තම ධාර්මික ජීවිතය ගත කරමින් බුදුන් දේශනා කරන ලද ධර්ම මාර්ගයේ ගමන් කළ ඩෙන්මාර්ක් ජාතික අතිපූජ්‍ය ඥානදීප ස්වාමීන් වහන්සේ අපවත් වී ඇති බව සඳහන් වෙයි.

පසුගිය ජුනි මාසයේ දී උන්වහන්සේ රෝගතුරු වු අතර එහිදී ගුවන් හමුදාව මැදිහත් වීමෙන් උන්වහස්සේ වැඩ සිටි ලග්ගල ඇත්දත්ගල ආරණ්‍යය සේනාසනයේ සිට රෝහල් වෙත ගුවනින් ගෙන යාමටද කටයුතු කර තිබුණි.

වර්ෂ 1969 වසරේ දී බුදුන් දෙසූ නිවන් මඟ අවබෝධ කරගනු පිනිස මෙරටට පැමිණ සම්බුද්ධ සාසනයට ඇතුළු වන උන්වහන්සේ ධර්ම කරුණු අවබෝධයෙන් පසුව ආධ්‍යත්මික සුවය ලබනු වස් උන්වහන්සේ ආරන්‍යවාසීව තම ධාර්මික ජීවිතය ආරම්භ කළේය.

උන්වහන්සේ වසර 50ක කාලයක් ආරන්‍යවාසීව ගත කරමින් බෞද්ධ භික්ෂූන් වහන්සේ නමක් ලෙස බවුන් වැඩීමේ නිරත වූහ.

සම්බුද්ධ සාසනයේ චිරස්තථිය උදෙසා මෙන්ම ගිහි පැවිදි සියලු දෙනාගේ යහපත් උදෙසා කටයුතු කිරීමට උන්වහන්සේ තමන්ගේ කටයුතු කළේය. 

අපවත් වී වදාළ අති පූජ්‍ය ඥානදීප හිමියන් අරහත් ඵලයට පැමිණ සිටි බවද උන්වහන්සේගෙන් ධර්මය ඇසු සමහර උපාසක උපාසිකාවන් පවසා සිටියි.

උන්වහන්සේගේ ආදාහන පූජෝත්සවය හෙට දිනයේ එනම් 14 වැනි සඳුදා දින සවස උන්වහන්සේ වැඩම කළ සිටි  ඇත්දත්ගල ආරණ්‍ය සේනාසනයේ දී සිදු කිරීමට නියමිතව ඇත.