2015 මහින්ද පරාජය කළා වගේ මාව පරාජය කරන්න එපා – ජනපති ගම සමඟ පිළිසඳරේදී කියයි

සමාජ මාධ්‍ය හරහා ගෙනයන මතවලින් ජනතාව ප්‍රවේශම් වියයුතු අතර එදා මහින්ද රාජපක්ෂ මහතාව පරාජයට පත්කර කළ වැරැද්ද යළි සිදුවීමට ඉඩ නොතබන ලෙස ජනාධිපති ගෝඨාභය රාජපක්ෂ මහතා පැවසුවේය. සිය පාලන කාලය තුළ ජනතාවට මුහුණ දීමට සිදු වූ සියලුම ප්‍රශ්න ඇති කළේ පසුගිය පාලනය විසින් බවයි මෙහිදී ජනාධිපතිවරයා කියා සිටියේ. 

ජනාධිපතිවරයා මේ අබව සඳහන් කළේ අද (27) මාතර පිටබැද්දර දී පැවති ගම සමඟ පිළිසඳරක් වැඩසටහනට එක්වෙමිනි. 

වත්මන් ආණ්ඩුව බලයට පත්වී මේ වනවිට මාස 16ක පමණ කාලයක් වන අතර එම කෙටි කාලය තුල ජනතාව අතර දැඩි පිරිහීමට ලක්වී ඇති අතර එහි ප්‍රකාශනයක් ලෙස සමාජ මාධ්‍ය තුල ආණ්ඩුවට එරෙහිව මේ වනවිට දැඩි විවේචකයක් එල්ලවී තිබේ.

විශේෂයෙන් නීතියේ ආදිලත්‍ය ගොඩනැගීම, පරිසරය සුරැකිම , වංචා දුෂණ පිටුදැකීම , ප්‍රජාතන්ත්‍රවාදය තහවුරු කිරීම ආදී සෑම කේෂ්ත්‍රයකින්ම වත්මන් නන්දසේන ගෝඨාභය රාජපක්ෂ ආණ්ඩුව සමාජයට අලුත් යමක් දීමට අසමත්වී ඇති අතර ඒවායේ දැඩි කඩාවැටීමක් මේ වනවිට සිදුවී ඇත. ඒ හේතුවෙන් සමාජ ජාල තුල ක්‍රීයාකාරී වන මහජනතාව ආණ්ඩුවට බරපතල විරෝධයක් එල්ලකරමින් තිබේ.

ජනාධිපතිවරයාද ගම සමග පිළිසදර වැඩසටහනේදී නිතරම මෙම සමාජ මාධ්‍ය හරහා තමන්ට එල්ලවන විවේචනයන්ට පෙරළා අදහස් දැක්වීමට පුරුදුව සිටී.

අද පැවති ගම සමග පිලිසදර වැඩසටහනේදී වෙනදා මෙන්ම ජනාධිපතිවරයා තමන් මුහුණදෙන අභියෝග හා ගැටළු ජනතාව හමුවේ ප්‍රකාශ කරන ලදි.

”පාස්කු ඉරිදා සිද්ධිය පිළිබඳව ජනාධිපති කොමිසම් වාර්තාව, හැම පිටුවකම කියන්නේ ඒ රජය ජාතික ආරක්ෂාව පිළිබඳ කිසි තැකීමක් නොකළ නිසා තමයි මේ වගේ සිද්ධියක් වුණේ කියන එක. රණවිරුවන්ව අභූත චෝදනා නගලා හිර ගෙවල්වල දාලා නඩු දාලා, දැන් මට තවමත් ඒ අය ඒ නඩුවලින් නිදහස් කරගන්න එක විශාල ප්‍රශ්නයක් වෙලා. ජාත්‍යන්තරයට ගිහින් ජිනීවාවලදි යෝජනාවලට සමඅනුග්‍රහය දක්වලා අපේ ස්වෛරීත්වය අපේ නිදහස සම්පූර්ණයෙන්ම නැති කරලා දැම්මා. අපි ඉල්ලා අස්වුණා ඒ සමඅනුග්‍රහයෙන්. දැන් ඒගොල්ලන් අපිට විරුද්ධව වැඩ කරනවා. ඒකට කමක් නෑ. අපිට මුහුණ දෙන්න පුළුවන්. අපි නිදහස් රටක්. අපේ වැඩ අපිට කරගන්න පුළුවන්. අපි නොබියව ඒවට මුහුණ දෙනවා. ඒක තමයි අවශ්‍ය. වෙන රටවල්වල නව ලිබරල්වාදය පතුරුවන්න එහෙම නැත්නම් මේ ඉන්දියන් සාගරයේ බලවතුන්ගේ අරගලවලට අපිට මැදිහත් වෙන්න අවශ්‍යතාවයක් නෑ.”

MCC ගිවිසුම,නැගෙනහිර පර්යන්තය මේ සියලුම ප්‍රශ්න පසුගිය පාලන කාලය විසින් ඇති කරන ලද අතර රටවල් සමඟ ගිවිසුම් ගතවීමෙන් පසු ඒවා ඉවත් කරගැනීම ඉතාම අපහසු බවයි හෙතෙම පෙන්වාදුන්නේ.  මෙම කාරණා වලදී විවිධ වූ බලපෑම් එල්ල වූ බවද ජනාධිපතිවරයා කියා පැවසුවේය. 

20 වැනි ආණ්ඩුක්‍රම ව්‍යවස්ථා සංශෝධනය ගෙන එන්න සිදුවූයේත් 19 වැනි ව්‍යවස්ථා සංශෝධනය නිසා රට පාලනය කරගැනීමට නොහැකි තත්ත්වයකට පත්ව තිබුණු බවද ගෝඨාභය රාජපක්ෂ මහතා ප්‍රකාශ කළේය. 

”පරිසරය පිළිබඳව කතා කරන කොටත් මහින්ද රාජපක්ෂ ජනාධිපතිතුමාගේ රජය යටතේ අපි කරපු දේවල්, කොළඹ ලෝකයේ හරිත නගර අතරින් ඉදිරියෙන්ම සිටින නගරයක් බවට පත්කළා. පරිසරය විනාශවන කටුපොල් අපි තහනම් කළා. අපි ආවට පස්සේ බලන්න කොච්චර දේවල් කළාද කියල. දැන් මේ පැත්තේ තියෙනවා කටු පොල්. හැම අවස්ථාවකදීම කියවුණේ පරිසරය විනාශ වෙනවා කියල. කළුතර,ගාල්ල,මාතර මේ දිස්ත්‍රික්කවල. ඒවා අපි තහනම් කළා. වැරදි මත සමාජ මාධ්‍ය හරහා ජනතාවට ගෙනියනවා. ජනතාව ප්‍රවේසම් වෙන්න ඕනේ. එදා මහින්ද රාජපක්ෂ ජනාධිපතිතුමාව පරාජයට පත්කරලා වෙච්ච වැරැද්ද නැවත කරගන්නට ඉඩ තියන්න එපා,” යනුවෙන් ජනාධිපතිවරයා වැඩිදුරටත් මෙහිදී කරුණු දක්වන ලදී. 

The post 2015 මහින්ද පරාජය කළා වගේ මාව පරාජය කරන්න එපා – ජනපති ගම සමඟ පිළිසඳරේදී කියයි appeared first on ColomboXnews.

Source From Colomboxnews
Author: Kamal Dhammika
#SriLanka #News #lka