20 වන ව්‍යවස්ථා සංශෝධනයෙන් යෝජනා කර සිටින ජනාධිපතිවරයාට එරෙහිව නඩු පැවරිය නොහැකි යන කරුණ සඳහා පාර්ලිමේන්තුවේ තුනෙන් දෙකේ බලයට අමතරව ජනමත විචාරණයක්ද අවශ්‍ය බව ශ්‍රේෂඨාධිකරණය විසින් තීන්දු කොට ඇති බව අධිකරණ තොරතුරු ආරංචි මාර්ග සඳහන් කරයි. විශේෂයෙන්ම ජනාධිපති ගෝඨාභය රාජපක්ෂ මහතා විසින් තමා විසින් ගනු ලබන තීන්දු තීරණවලට එරෙහිව අධිකරණයට යාමට ඇති ජනතා පරමාධිපත්‍ය බලය අහෝසි කරමින් තනි ඒකාධිපති ගමනක් යෑමට උත්සහ කළද ශ්‍රේෂ්ඨාධිකරණය විසින් මෙම තීන්දුවත් සමග එය වළක්වා ඇත.
ඊට අමතරව පාර්ලිමේන්තුව වසරකින් පසුව විසුරුවා හැරීම මෙන්ම මැතිවරණ කොමිසමේ බලය අහිමි කිරීමට අදාළ සංශෝධන සිදුකිරීම සඳහාද පාර්ලිමේන්තුවේ තුනෙන් දෙකේ බලයට අමතරව ජනමත විචාරණයක් අවශ්‍ය බවටත් ශ්‍රේෂ්ඨාධිකරණය විසින් තීරණය කොට ඇති ඇති අතර එම තීන්දුව කතානායකවරයා සහ ජනාධිපතිවරයා වෙත මේ වනවිට දැනුම් දී තිබේ.
මේ අනුව ජනාධිපති ගෝඨාභය රාජපක්ෂ විසින් වගකීම බාරගෙන පාර්ලිමේන්තුවට ඉදිරිපත් කළ 20වන ආණ්ඩුක්‍රම ව්‍යවස්ථා සංශෝධනය ඒ ආකාරයෙන්ම සම්මත කර ගැනීම සඳහා පාර්ලිමේන්තුවේ තුනෙන් දෙකේ බලයට අමතරව ජනමත විචාරණයක්ද අවශ්‍ය වේ.
The post 20වන සංශෝධනයෙන් ජනාධිපතිවරයාට එරෙහිව නඩු පැවරිය නොහැකි වගන්තිය ඇතුළු වගන්ති කිහිපයකට ජනමත විචාරණයක් අවශ්‍ය බව ශ්‍රේෂ්ඨාධිකරණය දැනුම් දෙයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka