ළමුන් අපයෝජනය කල පොහොට්ටුවේ ටියුෂන් ගුරුවරයාගේ පරීක්ෂණ මෙහෙයවු වරුණි බෝගහවත්තට හදිසි ස්ථාන මාරුවක්

ළමුන් අපයෝජනය කළ  ශ්‍රී ලංකා පොදුජන පෙරමුණේ ප්‍රබල ක්‍රියාකාරිකයෙකු වු ඉංගී‍්‍රසි ගුරුවරයෙකු ලෙස පෙනී සිටි රූපවාහිනි පසුතල නිර්මාණ ශිල්පියා පිළිබඳ විමර්ශණය කරන කොල්ලුපිටිය පොලිසියේ ළමා හා කාන්තා අංශ ස්ථානාධිපති ප්‍රධාන පොලිස් පරීක්ෂක වරුණි බෝගහවත්තට ස්ථාන මාරුවක් ලබා දී තිබෙනවා.

ඒ ගාල්ල කොට්ඨාශ ළමා හා කාන්තා කාර්යාංශයේ ස්ථානාධිපතිණිය ලෙසයි.

බාල වයස්කාර පිරිමි දරුවන්ව ලිංගික අපයෝජන සඳහා යොදාගෙන එකී අපයෝජන අවස්ථා ඇතුළත් වීඩියෝ දර්ශන විදේශ රටවලට විකිණීමේ ජාවාරමක නිරත වූ බව කියන සිද්ධියක් සම්බන්ධයෙන් කොල්ලුපිටිය පොලිසිය මඟින් අත්අඩංගුවට ගත් ගුරුවරයා ශ්‍රී ලංකා පොදුජන පෙරමුණේ ප්‍රබල ක්‍රියාකාරිකයෙකු බව වාර්තාවේ.

පසුගිය ජනාධිපතිවරණයේදී ගෝඨාභය රාජපක්ෂ මහතාගේ ජයග්‍රහණය වෙනුවෙන් කැපවී වැඩකර ඇති මෙම පුද්ගලයා පන්නිපිටිය දෙපානම ප්‍රෙද්ශයේ ජනතාව දැනුවත් කිරීම සදහා මැදිහත්වී ඇත. මහින්ද රාජපක්ෂ , උදය ගම්මන්පිල වැනි පොහොට්ටුවේ නායකයින්ද ඇසුරු කර ඇති මෙම කාමාතුර උපකාරක පංති ගුරුවරයා වසර ගණනාවක සිටි වයස අවුරුදු 10-15 අතර ළමුන් රවටාගෙන මෙලෙස ලිංගික කටයුතු සදහා යොදාගෙන ඇත.

පසුගියදා කොළඹ ජාතික රෝහලේ සිදු වූ මුදල් කොල්ලය සිදුකළ සැකකරු පළායන අවස්ථාවේදී ඔහු අල්ලා පොලිසියට බාර දෙනු ලැබුවේද මෙම පොලිස් නිලධාරිණිය වන අතර පසුව ඇයට පොලිස්පතිවරයා විසින් මුදල් ත්‍යාගයක්ද පිරිනමනු ලැබුවා

ඉංගී‍්‍රසි ගුරුවරයෙකු ලෙස පෙනී සිටි රූපවාහිනි පසුතල නිර්මාණ ශිල්පියෙකු වූ පන්නිපිටිය ප්‍රදේශයේ පදිංචි සැකකරු කුඩා දරුවන්ගේ අසභ්‍ය වීඩියෝ සහ ජායාරූප ගෙන ඇමරිකාව ඇතුළු රටවල් 05ක විදේශිකයන්ට අලෙවි කිරීමේ ජාවාරමක් පවත්වාගෙන ගොස් ඇතැයි හෙළිවී තිබෙනවා.

54 වන වියේ පසුවන මොහු විවාහ වී පසුව දික්කසාද වූවෙකු බවට අනාවරණය වී ඇති අතර 2012 වසරේ සිට අවුරුදු 8 ත් 15 ත් අතර වයසේ පිරිමි ළමයින් මෙලෙස අපයෝජනයට ලක් කර ඇති බවටයි හෙළිවී ඇත්තේ.

මනාලෙස ඉංගී‍්‍රසි උච්චාරණය කළ හැකි සැකකරු කුඩා දරුවන්ට ඉංගී‍්‍රසි පන්ති පවත්වා ඇති නමුත් අපොස සාමාන්‍ය පෙළ පමණක් සමත් මෙම පුද්ගලයාට ඒ සඳහා විශේෂ සුදුසුකමක් තිබී නොමැති බවට හෙළි වී තිබෙනවා.

ඔහු විසින් අපයෝජනයට ලක් කර ඇති කුඩා දරුවන් තුන්දෙනෙකුගෙන් පොලිසිය මේ වනවිටත් ප්‍රශ්ණ කර ඇති අතර එම දරුවන්ගේ දෙමව්පියන් ඉංගී‍්‍රසි පන්ති සඳහා තම දරුවන් සැකකරුගේ නිවසට ඇරලවා ගොස් ඇති නමුත් වැඩිදුර සොයාබැලීම් සිදුකර නැහැ.

තවද සැකකරු කුඩා ළමයින්ගේ නම් වලින් ෆේස්බුක් ගිණුම් විවෘත කර විවිධ පුද්ගලයින් සමඟ පණිවුඩ හුවමාරු කරගෙන ඇති බවයි ඔහුගේ පරිගණක පරීක්ෂා කළ පොලිසිය අනාවරණය කර ගත්තේ.

The post ළමුන් අපයෝජනය කල පොහොට්ටුවේ ටියුෂන් ගුරුවරයාගේ පරීක්ෂණ මෙහෙයවු වරුණි බෝගහවත්තට හදිසි ස්ථාන මාරුවක් appeared first on ColomboXnews.