හොරු අල්ලන වැඩේදී අපි ෆේල් වුණා ජනතාව ඒකට දඬුවම් දුන්නා – මංගල

2015 ආණ්ඩුවට ජනතාව ජනවරමක් දුන්නේ දූෂිතයන්ට දඬුවම් දීමට වුවත් එය ඉටු කිරීමට ජනාධිපති මෛත්‍රීපාල සිරිසේන මහතා යටතේ හරි හැටි සිදු නොවුණ නිසා 2019 හා 2020 පරාජය වීමට සිදු වූ බව හිටපු අමාත්‍ය මංගල සමරවීර මහතා පැවසුවේය.

ඔහු මේ බව සඳහන් කළේ දේශපාලන පළිගැනීම් පිළිබඳ සොයා බලන ජනාධිපති පරීක්ෂණ කොමිෂන් සභාව වෙත පැමිණීමෙන් අනතුරුව මාධ්‍ය වෙත අදහස් දැක්වමිනි. 

රට නිවැරදි මාවතට යොමු කිරීමට 2015 ආණ්ඩුවට හැකි වුණත් හොරු අල්ලන වැඩේ අසමත් වුණ බව සමරවීර මහතා කියා සිටියේය. 

ඒ අනුව  දඬුවම් දී ඇති බව හෙතෙම පැවසුවේය. 

එවකට ආරක්ෂාව සම්බන්ධයෙන්ද සියලු බලතල තබාගෙන සිටියේ ජනාධිපති සිරිසේන වන හෙයින් එම කාරණයේදී ද එවක රජයට එම වගකීම භාරගත නොහැකි බව ද මංගල සමරවීර මහතා ප්‍රකාශ කළේය. 

The post හොරු අල්ලන වැඩේදී අපි ෆේල් වුණා ජනතාව ඒකට දඬුවම් දුන්නා – මංගල appeared first on ColomboXnews.

Source From Colomboxnews
Author: Kamal Dhammika
#SriLanka #News #lka