ජනාධිපති ගෝඨාභය රාජපක්ෂ මහතා විසින් කෝවිඞ් මර්දන කාර්ය සාධක බලකායේ ප්‍රධානීයා ලෙස පත්කර සිටින තරු හතරේ ජෙනරාල් ශවේන්ද්‍ර සිල්වා මහතා නිරෝධායන සෞඛ්‍ය නීති මහ දවල් අමු අමුවේ කඩකර ඇති බව අනාවරණය වෙයි.
පසුගිය උඳුවප් පොහෝ දින නෙල්ලිගල ජාත්‍යන්තර බෞද්ධ මධ්‍යස්ථානයේ පැවැති උත්සවයකදී මෙම කඩකිරීම සිදුකර ඇති අතර ජනතාවට මීටරයක දුර තබාගන්නා ලෙස උදේ හවස උපදෙස් දෙන හමුදාපතිවරයා දහස් ගණනක් ජනතාව අතර මෙසේ හැසිරීම සමාජජාල තුල මේ වනවිට දැඩි විවේනයට ලක්වේ.
පසුගිය උඳුවප් පොහෝ දින දිවයිනේ බොහෝ බෞද්ධ සිද්ධස්ථානවල නිරෝධායන නීති රීතිවලට අනුව අවම බැතිමතුන් සහභාගිත්වයකින් ආගමික වතාවත් සිදුකරනු ලැබීය. ජනතාවට තමන්ගේ මංග්‍යයක්, අවමංග්‍යලයක් හෝ වෙනයම් උත්සවයක් සිදුකිරීමේදී ඉතා සීමිත පිරිසක් බරපතල නිරෝධායන කොන්දේශී වලට යටත්ව එකතු කරගන්නා ලෙස දැනුම්දෙන අයම මෙසේ එම රෙගුලාසි උල්ලංඝණය කිරීම රටේ අභාග්‍යයකි.
රටේ වගකිවයුත්තන් සීමාවකින් තොරව ජනතාව ඒකරාශීකර විවිධ උත්සව සංවිධානය කරමින් නිරෝධායන නීති කඩකරමින් සිටින බව පසුගිය කාලසීමාවේදි අවස්ථා ගණනාවකදීම දැකගත හැකිවිය. ජනාධිපතිවරයාගේ විවිධ වැඩසටහන් හා මැති ඇමතිවරුන් සහභාගී වන උත්සව මෙන්ම ඒ අතරට අලුත්න්ම එක්වී සිටින්නේ කෝවිඞ් මර්දන කාර්ය සාධක බලකායේ ප්‍රධානියා වන යුධ හමුදාපතිවරයා වීම විශේෂත්වයකි.
The post හමුදාපති නිළ ඇදුම ගලවා සරම ඇදගෙන උළුවෙන් හිටගනී..! නිරෝධායන නීති මහ දවල් අමු අමුවේ කඩයි (ඡායාරූප) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka