ස්වීඩනයේ ප්‍රථම කාන්තා අග්‍රාමාත්‍යවරිය පැයෙන් අගමැති ධුරය අත්හරී

ස්වීඩනයේ ප්‍රථම කාන්තා අග්‍රාමාත්‍යවරිය ලෙස පත් වු මැග්ඩලීනා ඇන්ඩර්සන් පැයකට පසුව සිය ධුරයෙන් ඉල්ලා අස්වී තිබේ.

ස්වීඩනයේ අගමැති ලෙස තේරී පත් වූ මැග්ඩලීනා ඇන්ඩර්සන් පාර්ලිමේන්තුව විසින් පත් කර පැය කිහිපයකට පසු ඉල්ලා අස්වීම භාර දුන්නේ, ඇගේ අයවැය සම්මත වීමට අපොහොසත් වීමෙන් සහ කනිෂ්ඨ හරිත පක්ෂය සභාග රජයෙන් ඉවත් වීමෙන් පසුවය.

ඇයගේ රාජකාරිය අනපේක්ෂිත ලෙස කෙටි වූ අතර, ප්‍රාදේශීය මාධ්‍ය විසින් “බුල්ඩෝසර්” යන අන්වර්ථ නාමයෙන් හඳුන්වන ඇන්ඩර්සන්, ස්වීඩනයේ අගමැති ධුරයට තේරී පත් වූ පළමු කාන්තාව බවට පත්වීමෙන් ඉතිහාසගත විය – ඇය හෙට දිනයේ නිල වශයෙන් වැඩ භාර ගැනීමට නියමිතව තිබුණි.

පසුගිය වසර හත තුළ මුදල් අමාත්‍යවරිය ලෙස කටයුතු කර ඇති 54 හැවිරිදි ආර්ථික විද්‍යාඥවරිය පැවසුවේ සමාජ ප්‍රජාතන්ත්‍රවාදීන්ගෙන් පමණක් සැදුම්ලත් සුළුතර ආණ්ඩුවක ප්‍රධානියා ලෙස ඇය ඉක්මනින්ම එම තනතුරට තේරී පත්වීමට බලාපොරොත්තු වන බවයි.

සමාජ ප්‍රජාතන්ත්‍රවාදියෙකු වන ඇන්ඩර්සන් වාර්තාකරුවන්ට පැවසුවේ “එක් පක්ෂයක් ඉවත් වූ විට සභාග ආන්ඩුවක් ඉල්ලා අස්විය යුතු බවට ව්‍යවස්ථාපිත භාවිතයක් තිබේ. “නීත්‍යානුකූල භාවය ප්‍රශ්න කරන රජයකට නායකත්වය දීමට මට අවශ්‍ය නැත.” යනුවෙනි.

The post ස්වීඩනයේ ප්‍රථම කාන්තා අග්‍රාමාත්‍යවරිය පැයෙන් අගමැති ධුරය අත්හරී appeared first on ColomboXnews.

Source From Colomboxnews
Author: Kamal Dhammika
#SriLanka #News #lka