සර්පයෙකු දෂ්ඨ කළ බව කියා මව රෝහලට ඇතුලත් කල දස හැවිරිදි දියණිය පියා අපයෝජනය කරද්දී මැරිලා

පුත්තලම – ආසිරිගම ප්‍රදේශයේදී සර්පයෙකු දෂ්ඨ කළ බව පවසමින් මව විසින් රෝහලට ඇතුළත් කළ දැරියගේ මරණය ලිංගික අපයෝජනයකට ලක්ව දැඩි ලෙස රුධිරය වහනය වීමෙන් සිදුව ඇති බවට පශ්චාත් මරණ පරීක්ෂණයේදී හෙලිව තිබෙනවා.

පුත්තලම මූලික රෝහලේ අධ්‍යක්ෂ සුමිත් අත්තනායක කියා සිටියේ දැරියගේ මරණය සම්බන්ධයෙන් රෝහලේදී ඊයේ සිදුකළ පශ්චාත් මරණ පරීක්ෂණයේදී මේ බව තහවුරු වූ බවයි.

සර්පයෙකු දෂ්ඨ කළ බව පවසමින් දැරියගේ මව, තම දස හැවිරිදි දියණිය ඊයේ උදෑසන පුත්තලම මූලික රෝහලට ඇතුළත් කර තිබුණා.

දැරිය පෙරේදා උදෑසන 07 ට පමණ රෝහල්ගත කිරීමෙන් අනතුරුව ජීවිතක්ෂයට පත්වූ අතර, ඒ සම්බන්ධයෙන් සැකයක් පවතින බවට අධිකරණ වෛද්‍ය නිලධාරීවරයා තීරණය කිරීමත් සමඟ පොලිසිය දැරියගේ නිවස පරීක්ෂාවට ලක් කළා.

එහිදී ලේ කැටිති තැවරුණු ඇඳුම් කිහිපයක් ඉඩමේ ස්ථාන කිහිපයක වළ දමා තිබියදී පොලිසිය සොයාගත් අතර, මවගේ දෙවන විවාහයේ සැමියා විසින් දැරියට අතවර සිදුකර ඇති බවටයි පොලිසිය සැක පළ කරන්නේ.

සැකකරු මේ වනවිට ප්‍රදේශයෙන් පළාගොස් තිබෙනවා

The post සර්පයෙකු දෂ්ඨ කළ බව කියා මව රෝහලට ඇතුලත් කල දස හැවිරිදි දියණිය පියා අපයෝජනය කරද්දී මැරිලා appeared first on ColomboXnews.