සතියක් කන්නවත් රටේ සල්ලි නෑ… රජයේ සේවකයන් හෙට වැඩට එන්නත් එපා – අගමැති රනිල් කියයි

දෛනික අත්‍යවශ්‍ය ආහාර සඳහා ද මුදල් සතියකටවත් මේ වන විට භාණ්ඩාගාරය සතුව නැතැයි ද ඒ අනුව ඒ සඳහා අවශ්‍ය මුදල් වහා සොයා ගත යුතු බවද අගමැති රනිල් වික්‍රමසිංහ මහතා අද පාර්ලිමේන්තුව අමතමින් පැවසීහ.

පවතින අර්බුදය ශ්‍රී ලංකාවට පමණක් බලපාන ගැටලුවක් නොවන බවද මෙය ලෝක ආහාර අර්බුදයක් බවට පත්වන ලකුණු පෙනෙමින් ඇතැයි හෙතෙම පැවැසීය.

හෙට දිනයේ රාජ්‍ය සේවයේ අත්‍යවශ්‍ය නොවන සේවකයන් සේවයට වාර්තා කිරීම අවශ්‍ය නොවන බවද පැවසූ ඔහු ඉන්ධන හිඟය සහ ප්‍රවාහන අපහසුතා සැලකිල්ලට ගනිමින් මෙම තීරණය ගත් බවද කියා සිටියේය.

The post සතියක් කන්නවත් රටේ සල්ලි නෑ… රජයේ සේවකයන් හෙට වැඩට එන්නත් එපා – අගමැති රනිල් කියයි appeared first on ColomboXnews.