සජිත් සංස්කෘතික ඇමති ධුරය දරණ කාලයේ බිලියන 11ක වංචාවක් සිදු වු මධ්‍යම සංස්කෘතික අරමුදල හෙට යළිත් කෝප් කමිටුව හමුවට

පොදු ව්‍යාපාර පිළිබඳව කාරක සභාව හෙට (07) දිනයේ රැස්විමට නියමිත අතර එහිදී මුලින්ම මධ්‍යම සංස්කෘතික අරමුදලේ නිලධාරීන් කැඳවා ඒ පිළිබඳ ව විමසීමට නියමිත බව පාර්ලිමේන්තු ආරංචි මාර්ග සඳහන් කරයි. කෝප් කමිටු සභාපති මහාචාර්ය රංජිත් බණ්ඩාර ගේ ප්‍රධානත්වයෙන් පැවැත්වෙන මෙම රැස්වීමේදී එම අරමුදලේ පසුගිය ක්‍රියාකාරීත්වය සම්බන්ධයෙන් යළිත් වතාවක් විමසීමට නියමිත වේ. මධ්‍යම සංස්කෘතික අරමුදලේ පසුගිය වසර ගණනාවක් පුරා විශාල මුල්‍ය අක්‍රමිකතා රැසක් වාර්තාවී ඇති අතර ඒවා පිලිබද විගණන වාර්තා සහ ඒ ඒ අවස්ථාවල පත්කරන ලද කමිටු වාර්තා මගින් හෙලිදරව් කිරීම් සිදුකරන ලද නමුත් අදාල පරීක්ෂණ කටයුතු මේ වනවිට ඇණහිට තිබේ.

විශේෂයෙන් විපක්ෂ නායක සජිත් පේමදාස මහතා සංස්කෘතික ඇමතිධුරය දරණ කාලය තුල මධ්‍යම සංස්කෘතික අරමුදලේ 2016 සිට 2019 දක්වා කාලය තුළ රුපියල් කෝටි 1,100 ක පමණ (රුපියල් මිලියන 11,059) මූල්‍ය වංචාවක් සිදුව ඇතැයි ඒ සම්බන්ධයෙන් සොයා බැලීමට පත්කළ ත්‍රිපුද්ගල කමිටුවක් සිය වාර්තාවෙන් පවත්වා දී ඇත.

නියමිත අනුමැතියකින් තොරව ස්ථාවර තැන්පතු ආපසු ගැනීම හා තැන්පතු පොලී ආදායම අහිමිවීමෙන් රුපියල් කෝටි 260 ක් පමණ ද (රුපියල් මිලියන 2,608) බඳවා ගැනීමේ පටිපාටියේ අනුමත සීමා ඉක්මවා තනතුරු සඳහා බඳවා ගැනීම වැටුප්  හා දීමනා ලෙස ගෙවීමෙන් රුපියල් කෝටි 306 ක් පමණ ද රුපියල් මිලියන 3,060 විධිමත් අනුමැතියකින් තොරව සංස්කෘතික හා ආගමික ආධාර හා ප්‍රදාන ලෙස ලබාදීමෙන් රුපියල් කෝටි 231 ක් පමණද (රුපියල් මිලියන 2316 ) ක් ආවභාවිත වී ඇතැයි ත්‍රිපුද්ගල කමිටු වාර්තාවේ සඳහන් කර ඇත.

තීත්‍යානුකූල අනුමැතියකින් තොරව සිසු දහම් සෙවන දහම් පාසල් ගොඩනැගිලි ඉදිකිරීමට රුපියල් කෝටි 75 ක මුදලක් (රුපියල් මිලියන 753) ක් ගෙවා ඇති අතර අරමුදලේ සංචාරක ප්‍රවේශ පත්‍රවල ඩොලර් ආදායම රුපියල් වලට පරිවර්තනය කිරීමේදී රුපියල් හාර කෝටි අසූ ලක්ෂයක (රුපියල් මිලියන 48) ක අලාභයක් සිදුව ඇතැයිද වාර්තාවෙන් පෙන්වා දී ඇත.

පුරාවිද්‍යාභාරය සඳහා නියමිත දායකත්ව මුදල නොගෙවා නීති විරෝධීව වෙනත් කටයුතු සඳහා රුපියල් කෝටි 226 ක ( රුපියල් මිලියන 2,266) මුදලක් වැය කර ඇති අතර අපේ ගම ව්‍යපෘතියේ දේපල පැවරීමේදී රුපියල් ලක්ෂ 80 ක අලාභයක් සිදුව ඇතැයිද කමිටු වාර්තාව සඳහන් කරයි.

මේ අතර මධ්‍යම සංස්කෘතික අරමුදල සතු  ඩොලර් ගිණුමෙන් නීති විරෝධීව මුදල් නිදහස් කරගෙන ඇතැයිද ඉකුත් ජනාධිපතිවරණ සමයේදී අරමුදලේ ස්ථාවර ගිණුමෙන් රුපියල් කෝටි 40 ක් ( රුපියල් මිලියන 400 ක් ) කිසිදු අනුමැතියකින් තොරව නිදහස් කර ඇතැයිද වාර්තාවේ සඳහන් වේ. මධ්‍යම සංස්කෘතික අරමුදල මහා භාණ්ඩාගාරයේ ඇනුමැතියකින් තොරව ජංගම ගිණුම් 25 ක් ආරම්භ කර ඇතැයි ද මුදල් රෙගුලාසි උල්ලංඝනය කරමින් උපාංග මිලදී ගැනීම් විදේශ ව්‍යාපෘතිවල මුදල් ගිණුම්ගත කිරීමේ දෝෂ ඇතැයිද වාර්තාවේ සඳහන් වේ.

මෙයට අමතරව අපනයන ණය රක්ෂණ සංස්ථාවේ නිලධාරීන්ද කෝප් කමිටුව හමුවට කැඳවා ඇති අතර ලබන බදාදා සහ බ්‍රහස්පතින්දා ද කෝප් කමිටු රැස්වීම් පැවැත්වීමට කටයුතු යොදා ඇත.

එ අනුව 08 වැනිදා ශ්‍රි ලංකා රක්ෂණ සංස්ථාවත් නව වැනිදා ඉඩම් ප්‍රතිසංස්කරණ කොමිෂන් සභාවත් කමිටුව හමුවට කැඳවීමට කටයුතු සැලසුම් කර තිබේ.

The post සජිත් සංස්කෘතික ඇමති ධුරය දරණ කාලයේ බිලියන 11ක වංචාවක් සිදු වු මධ්‍යම සංස්කෘතික අරමුදල හෙට යළිත් කෝප් කමිටුව හමුවට appeared first on ColomboXnews.