සජිත් ප්‍රේමදාසගේ සමගි ජන බලවේගයේ (SJB) යාපනය දිස්ත්‍රික් ප්‍රධාන සංවිධායක වන වෙට්ටිවේලු ජයන්තිරන් ඔහුගේ අනන්‍යතාවය ව්‍යාජ ලෙස සකසා වසර ගණනාවක් සිරගතව සිටි වරදකරුවෙක් බව මේවනවිට අනාවරණය වේ.
තවද ඔහු තරුණියන් පොළඹවාගෙන ප්‍රංශයේ දී අපරාධ දඬුවමක් නියම වු අයෙක් බවද හෙලිදරව්වේ. යාපනයේ විද්වතුන් පවසන්නේ දෙමළ ජාතිකයන්ගේ සංස්කෘතික අගනගරයේ සමගි ජන බලවේගයේ සංවිධායක ලෙස පුද්ගලයෙකු පත් කිරීමේදී සජිත් පේමදාස මහා තම යුතුකම් ඉටු කිරීමට අපොහොසත් වූ බවයි. එය යාපනය දිස්ත්‍රික්කයේ දෙමළ ජනතාවට අවමන් සහ අපහාසයක් බව ඔවුහු පවසති. මෙවැනි වංචනික පත්කිරීමක් මගින් සමගි ජන බලවේගය දෙමළ ජනතාවගේ ඡන්ද දිනා ගන්නේ කෙසේද යන ප්‍රශ්නය ඔවුන් මතු කරයි.
ජයන්තිරන්ට තම නමින් යුරෝපීය ගුවන් තොටුපළ හරහා ගමන් කළ නොහැකි බවත් තරුණියන් ආකර්ෂණය කර ගැනීම සඳහා තම වයස අඩු කර තමාට ව්‍යාජ අනන්‍යතාවක් නිර්මාණය කර ගෙන ඇති බවද සිදුකල විමර්ශනවලදී හෙළි වී තිබේ. මක්නිසාද යත්, අසූව දශකයේ මැද භාගයේදී, පැරිසියේ තදාසන්න ප්‍රදේශවල ජීවත් වූ වෙට්ටිවේලු ජයන්තිරන්, ප්‍රධාන වශයෙන් දෙමළ ජාතිකයින් සිය ගණනක් නීතිවිරෝධී සංක්‍රමණිකයන් ගෙන්වා ගැනීම සිදුකරන කළමනාකරණ ව්‍යාපාරයක් ආරම්භ කර පවත්වාගෙන ගියේය. විදේශ ගමන් බලපත්‍ර හෝ වැඩ කිරීමට වෙනත් ලියකියවිලි නොමැති දෙමළ සංක්‍රමණික කම්කරුවන් සූරා කෑමට ඔහු ව්‍යාපාරය යොදා ගත්තේය. මේ හේතුවෙන් ප්‍රංශ පොලිසිය විසින් වෙට්ටිවේලු ජයන්තිරන් අත්අඩංගුවට ගෙන වරදකරු කර සිරදඬුවම් නියම කරන ලදී.
නමුත් වෙටිවේලු ජයන්තියන් ප්‍රංශයේ සිර දඩුවම් විඳ 2003 දී ලංකාවට පැමිණ ව්‍යාජ උපන්දිනයක් සහිත ව්‍යාජ නමකින් ව්‍යාජ හැඳුනුම්පතක් ලබා ගන්නා ලදි. ඔහු මෙහිදී ව්‍යාජ හැඳුනුම්පතක් ලබාගෙන වසර දහයකින් උපන් දිනය අඩු කළේය. මෙම විස්තර ඔහුගේ මුල් සහ වෛද්‍ය හැඳුනුම්පතේ සොයාගත හැකිය. ඔහුගේ විදේශ ගමන් බලපත්‍රය (මෙහි පෙන්වා ඇත) ද මුල් විස්තර මගින් මේ බව හෙලිදරව්වේ.
මේ අතර වෙටිවේලු ජයන්තියන් La Courneuve හි ශිවන් කෝවිලක්ද පවත්වාගෙන යයි. කෝව්ල් බොහෝ විට භාරයකට අයත් පොදු විහාරස්ථාන වේ. සමහර ඒවා ජයන්තිරන් වැනි පුද්ගලයන් සතුය. ඔහු කෝව්ලේ ආදායම භුක්ති විඳින අතර ඔහුගේ අපරාධ කටයුතු සඳහා අරමුදල් මේ හරහා ලබාගනී. අප වෙත මේ බව තහවුරු කරන ලද්දේ දැනට මෙම කෝවිල පාලනය කරන පුද්ගලයෙකු විසිනි. මෙම කෝවිලේ මුදල් මගින් යාපනයේ නල්ලූර් හි පිහිටි මහජනතාව සඳහා ජනප්‍රිය වාණිජමය පිහිනුම් තටාකයක් සහිත හෝටලයක් ඉදිකර තිබේ. තවද කොළඹ සහ යාපනය ප්‍රදේශවල ඔහුට දේපළ රැසක් ද හිමිව තිබේ.
සමගි ජන බලවේගයේ යාපනය දිස්ත්‍රික් ප්‍රධාන සංවිධායකවරයා ලෙස ජයන්තිරන් පත් කිරීමට ඇති එකම සුදුසුකම ඔහුට හෝටලයක් සහ දේපල පැවතීම බවද වාර්තාවේ.
මොහුගේ සමාජ විරෝධී ක්‍රියාවලට එරෙහිව නීතිමය ක්‍රියාමාර්ග ගන්නා මුත්තු පොන්නම්බලම් පවසන්නේ ඩයස්පෝරාවේ සිටින පුද්ගලයින් රවටා උපයා ගන්නා නීතිවිරෝධී මුදල් මොහු ලංකාවට පොම්පකරන බවයි. ඔහු පවසන පරිදි ඔවුන්ගේ නීති විරෝධී ක්‍රියාකාරකම් සඳහා යාපනයේ සිටින මැරයින්ට මත්ද්‍රව්‍ය, මත්පැන් සහ තරුණ ගැහැණු ළමයින් පවා මොහු විසින් ලබාදෙන බවයි.
වෙට්ටිවේලු ජයන්තිරන් යනු සුප්‍රසිද්ධ නීතීඥ පොන්නයියා වෙට්ටිවේලුගේ පළමු බිරිඳගේ තුන්වන පුත්‍රයාය. දෙමළ එක්සත් විමුක්ති පෙරමුණේ (TULF) නායකයෙකු වූ හිටපු පාර්ලිමේන්තු මන්ත්‍රී යෝගේස්වරන් මහතා ජයන්තිරන්ගේ මාමා කෙනෙකු විය. ජයන්තිරන්ගේ මවගෙන් දික්කසාද වීමෙන් පසු, පොන්නයියා වෙට්ටිවේලු යාපනයේම තවත් කාන්තාවක් සමඟ අනියම් සම්බන්ධයක් පැවැත්වූ අතර, ඇය සමඟ ඇති වු ගැටුමක් හේතුවෙන් ඇය ගිනි තබාගෙන ඇත. ඇය තවමත් ජීවතුන් අතර සිටිනමුත් එම සිදුවීමෙන් පසු පොන්නයියා වෙට්ටිවේලු වෙනත් කාන්තාවක් සමඟ විවාහ වී ඇත.
පසුගියදා සාදයකට සහභාගී වූ ජයන්තිරන් තම පියාගේ අතීත කාලය ගැන ආඩම්බර විය. පීඩිත කුලවල තරුණියන් රස විඳීම තම පියාගේ විනෝදාංශය බව එහිදී ඔහු ආඩම්බරයෙන් උදම් අනන ලදී. ජයන්තිරන් තම පියා ගැන තවදුරටත් කියා සිටියේ තම පියා මුත්තයියා සහ කඳන් නම් තම කම්කරුවන් දෙදෙනෙකුට කිලිනොච්චියට ගොස් තම ඉඩමේ වැඩ කරන ලෙසත්, පසුව යාපනයේ ඔවුන්ගේ නිවෙස්වලට ගොස් ඔවුන්ගේ තරුණ භාර්යාවන් භුක්ති විඳින ලෙසත් පවසන බවයි.
එම සාදයේදී ඒ අසල සිටි යාපනයේ කුල පීඩිත ප්‍රජාවේ සාමාජිකයෙක් පැවසුවේ “නැඟිට ජයන්තිරන්ට කම්මුල් පහරක් එල්ල කිරීමට මා තුළ පෙළඹීමක් ඇති විය. ඒත් මට කිසිම දෙයක් කරන්න බැරි වුණා.“ ඔහු ඒ පිලිබදව පසුතැවිලි විය. මෙවැනි සාහසික කයිවාරුවලට සවන් දීමට, රසවිඳීමට සහ ඉවසා සිටීමට අපේ සමාජය සූදානම් වීම ඉතා පිළිකුල් සහගත බවද ඔහු පැවසීය.
තවද තම පියා මෙන්ම ජයන්තිරන් ද තම ධනය බලය පෙන්වමින්, මත්ද්‍රව්‍ය හා මත් පැන් දී දුප්පත් තරුණියන් රැසකගේ ජීවිත විනාශ කරයි. දැනට හැට හැවිරිදි වියේ පසුවන ජයන්තිරන් සිය මිනිබිරියගේ වයස්සීමාවේ පසු වු යන්තම් 23 වැනි වියට පා තැබූ තරුණියක් සමගද සම්බන්දයක් පවත්වයි. 2021 දී අනතුරකින් ඇගේ පියා මියගිය පසු ජයන්තන් එම දැරියගේ පවුල හා සම්බන්ද වුයේ උදව් උපකාර කරන මුවාවෙනි. දෙමළ අර්ථයෙන් ජයන්තිරන් මියගිය පුද්ගලයාගේ වැඩිමහල් සහෝදරයා විය. “පෙරියප්පා” යන නාමයෙන් එම පවුලට ඇතුල් වූ ඔහු පසුව තරුණිය පොළඹවා ගත්තේය. මේ පිලිබදව චුන්නාකම් පොලිසියේ ජයන්තිරන් එරෙහිය පැමිණල්ලක්ද යොමු වු නමුත් මෙම කාරණය සම්බන්ධයෙන් දැරියගේ දෙමාපියන් වෙනුවෙන් නීතියට කිසිවක් කළ නොහැකි විය. වෙට්ටිවේලු ජයන්තිරන්ගේ මුදල් බලය ඉදිරියේ ඔවුන් අසරණ විය.
මොහු ප්‍රංශයේ මොරිෂස් ජාතික කාන්තාවක් සමඟ එකට ජීවත් වූ අතර පසුව ජයන්තිරන් ඇය සමඟ තිබූ සම්බන්ධය අවසන් කළේය. එම කාන්තාවට ජයන්තිරන්ගෙන් ලද දරුවෙකුද සිටී. ඉන් පසු ඔහු විසි හැවිරිදි තරුණියක් විවාහ කරගත් අතර ඇයට දරුවන් දෙදෙනකුද සිටී. ඔවුන් පදිංචිව සිටින්නේ කොළඹ ය. ඔවුන්ගේ දික්කසාද නඩුව 2023 මාර්තු මාසයේදී යාපනය දිසා අධිකරණයේදී විභාග වීමට නියමිතය.මෙම දික්කසාද නඩුවට පෙනි සිටින්නේ පාර්ලිමේන්තු මන්ත්‍රී නීතිඥ එම් ඒ සුමන්තිරන්ය.
ජයන්තිරන් ඉහත කාන්තාවන් සියලු දෙනාම වසඟ කරගෙන ඇත්තේ එකම කතාවකි: “මට සල්ලි තියෙනවා. ඒත් මට ආදරේ පෙන්නන්න කවුරුත් නෑ.” ජයන්තිරන් මේ තරුණියන් ආකර්ෂණය කරගෙන ඇත්තේ “මම තනිවෙලා ආදරය හොයනවා” කියන කතාවම කියමින්. නමුත් ඔහු මත්පැන් පානය කිරීමෙන් පසු ඔහුගේ සැබෑ ස්වරූපය පෙන්නුම් කරන අතර මෙම කාන්තාවන්ට පහර දීම, පයින් ගැසීම සහ වධ හිංසා කළේය. ඔහු ඔවුන්ගේ මුහුණේ සහ සිරුරේ තුවාල ඇති කර ඇති අතර ඔවුන්ගේ හදවත් තුළ කිසිදා සුව නොවන තුවාලයක් ඉතිරි කර ඇත.
මෙම කාන්තාවන් හා ළමුන් පමණක් නොව තවත් බොහෝ කාන්තාවන් ජයන්තිරන් විසින් අපයෝජනයට ලක් කර ඇත. මොහුගේ අසීමිත ලිංගික ක්‍රියාකාරකම් සහ කාන්තාවන් සූරාකෑම පිළිබඳව එම වකවානුවේ එල්ටීටීඊයට පැමිණිලි කළ නමුත් එල්.ටී.ටී.ඊ.ය විසින් ජයන්තිරන්ගෙන් විමර්ශනය කර ප්‍රශ්න කළ නමුත් ජයන්තිරන් කොටි සංවිධානයට විශාල මූල්‍ය දායකත්වයක් දීමට එකඟ වීමෙන් පසුව ඔහුව නිදහස් කළේය.
පවුලක පිරිමි චරිත නොමැති තැන, එවැනි පවුලක සුපරීක්ෂාකාරී බව නොමැතිකම, දුප්පත්කම සහ ඔවුන්ව ආරක්ෂා කිරීමට කිසිවෙකු නොමැතිකම ප්‍රයෝජනයට ගන්නා ජයන්තිරන් තම කාම ආශාව සංසිදුවාගැනීම සඳහා පවුලක තරුණ ගැහැණු ළමයින් ගොදුරු කර ගනී. මෙය දෙමළ ප්‍රජාවගේ ලොකුම අවාසනාවයි.
සජිත් පේමදාස මහතාගේ සමගි ජන බලවේගය මෙසේ මුදලට සහ මත්පැන්වලට වගකිවයුතු තනතුරුවලට පාදඩයන් පත් කිරීම නතර කළ යුතුය. සමගි ජන බලවේගය පමණක් නොව සෑම පක්‍ෂයක්ම තම තමන්ගේ පක්‍ෂවල සිටින පාහරයන් තුරන් කළ යුතුය.
The post සජිත්ගේ යාපනය දිස්ත්‍රික් ප්‍රධාන සංවිධායක විමල් වීරවංශ ගියමග යයි – වෙට්ටිවේලු ජයන්තිරන් හැඳුනුම්පත් දෙකක් සහිත වංචනිකයෙක්… ස්ත්‍රී දුෂකයෙක්… සියලු තොරතුරු මෙන්න… appeared first on ColomboXnews.
Source From Colomboxnews
Author: Kamal Dhammika
#SriLanka #News #lka