ශිෂ්‍යත්ව විභාගයේ ප්‍රවේශ පත්‍රය ට අත්සන් කළත් නැතත් දරුවන් විභාගයට

ශිෂ්‍යත්ව විභාග ප්‍රවේශ පත්‍රය අත්සන් කිරීම සඳහා දරුවා සමග පැමිණෙන ලෙස ඇතැම් පාසල් ප්‍රධානීන් දෙමව්පියන්ට දැනුම් දී තිබෙන නමුත් පවතින තත්ත්වය මත පාසල්වලට පැමිණීම ගැටලු සහගත බවත් ප්‍රවේශ පත්‍රය අත්සන් කළත් නොකළත් එය විභාගයට පෙනී සිටීමට බාධාවක් නොවන බවත් විභාග කොමසාරිස් ජනරාල්වරයා පවසනවා.

ශිෂ්‍යත්ව විභාගයට අදාළව මුල්වරට ප්‍රවේශ පත්‍රයක් නිකුත් කර ඇත්තේ මෙම වසරේ සිට සියලුම පාසල් විභාග සඳහා එක් අයැදුම්කරුවකුට එක් අංකයක් හඳුන්වා දීමේ ජාතික වැඩපිළිවෙළ අනුවයි.

විභාගයට ප්‍රවේශ පත්‍රයක් නිකුත් කළේ එම අංකය දෙමව්පියන්ට ලබාදීමේ අරමුණින් බවත් සනත් පූජිත සඳහන් කළා.

කෙසේ වුවත් පවතින තත්ත්වය මත එම අංකය විභාගයෙන් පසුව දෙමව්පියන්ට ලබා දෙන ලෙස පාසල් ප්‍රධානීන් දැනුවත් කරනු ලැබ තිබෙනවා.

මෙවර ශිෂ්‍යත්ව විභාගය ලබන 11 වැනිදා පැවැත්වෙන අතර ඒ සඳහා සිංහල හා දෙමළ මාධ්‍යයෙන් අයැදුම්කරුවෝ තුන් ලක්ෂ තිස් එක් දහස් හයසිය අනූ හතර දෙනෙක් පෙනී සිටිනවා.

The post ශිෂ්‍යත්ව විභාගයේ ප්‍රවේශ පත්‍රය ට අත්සන් කළත් නැතත් දරුවන් විභාගයට appeared first on ColomboXnews.

Source From Colomboxnews
Author: Kamal Dhammika
#SriLanka #News #lka