කොවිඩ් 19 වසංගතයෙන් පසු රට තුළ සිටින ජනතාව මෙන්ම සිය රටෙන් එපිට විදේශගතව සිය රැකියා කරන ජනතාවද දැඩි අපහසුතාවයට පත් ව සිටියි. විදෙස්ගත ශ්‍රී ලාංකිකයන්ද දැඩි බලාපොරොත්තුවකින් ඇඟිලි ගනිමින් බලා සිටියේ සිය මව්රටට පැමිණෙන්නේ කවදාද යන්නය. ඒ සඳහා ඔවුන්ට බලාපොරොත්තු දල්වා බලා සිටීමට සිදුවූයේ රජය විසින් විදෙස් ගත ලාංකිකයින් ගෙන්වා ගැනීමේ වැඩපිළිවෙල ක්‍රියාත්මක වීමත් සමඟය. එය නිවැරදි ක්‍රමවේදයික් ක්‍රියාත්මක වන බවට ඔවුන් තුල දැඩි විශ්වාසයක් තිබිණි. ඒ අනුව වත්මන් රජය විටින් රටවල් කිහිපයකින් ප්‍රමුඛතා පදනම මත විදේශ කටයුතු අමාත්‍යාංශය සහ අදාල රටවල්වල තානාපති කාර්යාල සහ රාජ්‍ය තාන්ත්‍රික සුදහතාවය මත එම කටයුතු දිගින් දිගටම සිදු කෙරිණි.
නමුත් විදේශ කටයුතු අමාත්‍යංශයේ ලේකම් ජයනාත් කොළඔගේ මහතාගේ ප්‍රකාශයක් හේතුවෙන් එම ක්‍රියාදාමය පිළිබඳ දැඩි විවේචන එල්ල වෙමින් පවතී. ඒ විදේශ කටයුතු අමාත්‍යාංශ ලේකම්වරයා ජනාධිපතිවරයා සමඟ පැවැති සාකච්ඡාවකදී කළ ප්‍රකාශයක් ඊයේ ජාතික පුවත්පතක පළ වීමත් සමඟය. එහිදී ඔහු සඳහන් කර ඇත්තේ කොවිඩ් වසංගතයෙන් පසු ඩුබායි රාජ්‍යයේ උද්‍යානවල රැඳී සිටි ශ්‍රී ලාංකිකයින් සහ මෙරටට පැමිණීමට සිටි සියලු දෙනා පැමිණ ඇවසන් බවයි. ඒ පිළිබඳ ජනාධිපති ගෝඨාභය රාජපක්ෂ මහතාට තමා දැනුම් දුන් බව ද එහිදී සඳහන් කර තිබේ.
කෙසේ වෙතත් මේ පිළිබඳ සිය විරෝධය පළ කරමින් සමාජ මාධ්‍ය තුළ අදහස් පලවන්නේ ඩුබායි ඇතුළු එක්සත් අරාබි එමීර් රාජ්‍ය තුළ තවමත් ලංකාවට පැමිණීමට නොහැකිව විශාල පිරිසක් සිටින බවයි.
ලංකාවට එන්න එම්බසියේ ලියාපදිංචි අංකය 300 ගනන් වල හිටපු මිනිස්සු හිස් අතින් බලා සිටින විට ජයනාත් කොළඔගේ කෝල් වලට රෙජිස්ට්‍රාර් අංක 3200 ගනන්වල මිනිස්සු ඩුබායි වලින් පිටවූ බව ඩුබායි වල සිටින ලාංකිකයන් ප්‍රකාශ කරයි.
වීසා කාලය ඉවර වී හෝ සේවා ආයතනයෙන් රැකියා අහිමි කර ලංකාවට යන්න සාමාන්‍ය ටිකට් පතට අදාල ඩිරාම් මුදල පමණක් හිමිව කප් ගෙවන ඩිරාම් 4000කට ආසන්න මුදලක් වැටර් ෆ්ලයිට් වලට වියදම් කරන්න බැරිව තමන්ට කුමන හෝ මොහොතක එම්බසියෙන් ලංකාවට යන්න PCR කරන්න කථා කරනකල් ඉන්න ලාංකිකයන් ඩුබායි වල සිටින බවද නිතර වාර්තාවේ.
තවමත් ඩුබායි වල කර්මාන්ත සහ සුපරිසිදු කරන ආයතන වැනි සේවය කරන රැකියා අහිමි වුන සහෝදර ලාංකිකයන් චැටර්,ෆ්ලයිට් වලට දෙන්න මුදල් නැතුව තමන්ගේ ඇග විකුණන තත්ත්වයට පත්ව ඇති බවද වාර්තාවේ.
කෙසේ වුවත්, තවත් ශ්‍රී ලාංකිකයන් විශාල පිරිසක් රැකියා සහ උන් හිටි තැන් පවා අහිමි වී යළි සිය රට පැමිණිය නොහැකිව බොහෝ දුෂ්කර තත්ත්වයන්ට මුහුණ දී සිටින අතර ඔවුන් පිළිබඳ නිසි වැඩපිළිවෙලක් වහාම ක්‍රියාත්මක කළ යුතුව තිබේ.
The post ශ්‍රී ලාංකිකයින් මෙරටට එන්න මුදල් නොමැතිව ඇඟ විකුණනකොට විදේශ අමාත්‍යාංශ ලේකම් ඩුබායි සිටි තම ඥාතීන් ගෙන්වලා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka