දැඩි මූල්‍ය අර්බුදයකට ලක්ව තිබෙන ශ්‍රී ලංකන් ගුවන් සමාගමේ ගුවන් යානා කල්බදු ගෙවීම, ගුවන් යානා එන්ජින් නඩත්තු කරන්නන්ට ගෙවීම, කාර්ය මන්ඩල වැටුප් ගෙවීම ඇතුළු අත්‍යවශ්‍ය වියදම් ලබන වසරේ මාර්තු වනතෙක් පියවා ගැනීම සඳහා තවත් රුපියල් කෝටි 2770ක පමණ මුදලක් ලබා දෙන්නැයි සංචාරක අමාත්‍යාංශය මහා භාණ්ඩාගාරයෙන් ඉල්ලීමක් කර ඇත.
එම මුදල මහ මහා භාණ්ඩාගාරයෙන් ලබාදිය නොහැකි නම් මහජන බැංකුවෙන් රුපියල් කෝටි 1385ක් සහ ලංකා බැංකුවෙන් රුපියල් කෝටි 1385ක් ලෙස ණය මුදලක් වශයෙන් ලබා දෙන්නැයිද අමාත්‍යාංශය රජයෙන් ඉල්ලා තිබේ.
ශ්‍රී ලංකන් ගුවන් සමාගමේ අත්‍යවශ්‍ය වියදම් ඉකුත් ඔක්තෝබර් මාසය දක්වා පියවා ගැනීමට මහා භාණ්ඩාගාරයෙන් රුපියල් කෝටි 1385ක් ඉකුත් අප්‍රේල් මාසයේද ලබාදී තිබිණි.
පසුගිය මහින්ද රාජපක්ෂ පාලන සමයේ ශ්‍රී ලන්කන් ගුවන් සමාගමේ ප්‍රධානියා ලෙස කටයුතු කළේ හිටපු ජනාධිපති මහින්ද රාජපක්ෂගේ බිරිඳගේ සොයුරා වන නිශාන්ත වික්‍රමසිංහයි. එම පාලන කාලය තුල ශ්‍රී ලන්කන් ගුවන් සේවයට ගුවන් යානා ලබා ගැනීමේදී අක්‍රමිකතා සිදුවී ඇති බවට ශ්‍රී ලන්කන් ගුවන් සේවයේ දූෂණ හා අක්‍රමිකතා සොයා බැලීමට පත් කළ සිව් පුද්ගල කමිටු වාර්තාව මගින් හෙළි කර ඇති බවට වාර්තා වෙයි.
ශ්‍රී ලන්කන් ගුවන් සේවයට ගුවන් යානා ලබා ගැනීමේදී සිදුවූ අක්‍රමිකතා මෙන්ම පසුගිය රජයේ ශ්‍රී ලන්කන් ආයතනයේ ප්‍රධානින් ශ්‍රී ලන්කන් ගුවන් සේවය අයථා ලෙස පරිහරණය කළ ආකාරය ගැන ද කරුණු මෙම වාර්තාව මගින් හෙළි කර ඇත.
ශ්‍රී ලන්කන් ගුවන් සේවයේ දූෂණ හා අක්‍රමිකතා සොයා බැලීමට පත් කළ සිව් පුද්ගල කමිටු වාර්තාවේ සඳහන් වන ආකාරයට සිදුකර ඇති දුෂණ සහ අක්‍රමිකතා වෙනුවෙන් හිටපු ආයතන ප්‍රධානියා අපරාධ පරීක්ෂණයකට ලක් කොට අධිකරණය හමුවේ දඬුවම් ලබාදිය යුතු බව වැලිඅමුණ වාර්තාව මගින් යෝජනා කර තිබු නමුත් පසුගිය රනිල්-මෛත්‍රී පාලනය මෙම රජපක්ෂ පාලන සමයේ දුෂිතයින් ආරක්ෂා කිරීම හේතුවෙන් ඔවුන් අදටත් නිරුපද්‍රිතව සිටී.
The post ශ්‍රී ලංකන් දැඩි මූල්‍ය අර්බුදයක – නඩත්තුවට කෝටි 2770ක් භාණ්ඩාගාරයෙන් ඉල්ලයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka