ශ්‍රී ජයවර්ධනපුර රෝහලේ සභාපතිගේ දොස්තර දුව සේවයට වාර්තා නොකර නිවසේ සිට “වැඩ” – GMOA එකත් මර නින්දේ..!

බරපතල අක්‍රමිකතා රැසක් මධ්‍යයේ මේ වනවිට පාලනය වන ශ්‍රී ජයවර්ධනපුර රෝහලේ නවතම අක්‍රමිකතාවය ලෙස වාර්තා වන්නේ අපුරු ආකාරයේ සේවයට වාර්තා කිරීමකි. එනම් එම රෝහලේ සභාපතිවරයා වන වෛද්‍ය එස්.ඩී. ජයරත්න සිය දියණිය වන වෛද්‍ය හෙමාද්රි ජයරත්නව නිවසේ සිට සේවයේ යෙදවිමයි.

වෛද්‍ය හෙමාද්රි ජයරත්න පශ්චාද් වෛද්‍ය පුහුණු ආයතනයේ පවුල් සෞඛ්‍ය පිලිබඳව කෙටි පුහුණුවකින් පසුව ශ්‍රී ජයවර්ධනපුර රෝහලට වාර්තා කිරීමෙන් පසුව ඇයව කොවිඩ් රෝගීන් සිටින ස්ථාන වල සේවයේ දීමෙන් බෙරා ගැනීමට රෝහලේ සභාපති වන ඇයගේ පියා වෛද්‍ය එස්. ඩී. ජයරත්න සහ අධ්‍යක්ෂක වන වෛද්‍ය රත්නසිරි හේවගේ කටයුතු කර ඇත.

වාර්තා වන ආකාරයට මෙම වෛද්‍යවරිය ගර්භණි බව හේතුවක් ලෙස දක්වා ඇයව විශේෂයෙන් සුව පහසු ලෙස තැබීම සඳහා මෙම ක්‍රියාමාර්ගය ගෙන ඇති බව වාර්තා වෙයි. ජපුර රෝහලේ පවුල් සෞඛ්‍ය එකෙකයක් දැනට නොමැති අතර බාහිර රෝගී අංශය සහ හදිසි ප්‍රතිකාර අංශයේ පොදු රෝස්ටරයකින් පවුල් සෞඛ්‍ය සේවා ලබා දෙනු ලබයි. එම සේවාවන් වල ගර්භනී වෛද්‍යවරියන්, හෙදියන් සහ අනෙකුත් කාර්ය මණ්ඩල සේවකයන් කිසිදු භේදයකින් තොරව සේවයේ නිරත වෙති.

කොවිඩ් රෝගය සඳහා එන්නත් කරණය ප්‍රථමයෙන්ම ලබා දුන්නේ සෞඛ්‍ය සේවකයන්ට වන අතර, රට පුරා එන්නත් ආවරණය ඉතා හොඳ බැවින් සහ කොවිඩ් මරණ වල තිව්‍රතාවය අඩු වෙමින් යන බැවින්, කොවිඩ් වසංගත සමයේ ගර්භනී ව සිටින රජයේ සේවකයන්ට ලබා දුන් විශේෂ වරප්‍රසාද අහෝසි කර සියල්ලන් හට සේවයට වාර්තා කිරීම රජයේ ප්‍රතිපත්තිය වෙයි.

කරුණු එසේ තිබියදී සිය බලය අයතා ලෙස භාවිතා කරමින් වෛද්‍ය එස්.ඩී. ජයරත්න විසින් සිදු කර ඇත්තේ අධ්‍යක්ෂක මණ්ඩලයෙන් හෝ අන් කවර ආකාරයකින් හෝ ස්ථාපිත නොකළ ඊනියා “පවුල් සෞඛ්ය් ඒකකයක්” වශයෙන් සභාපතිගේ කාමරය අසල කාමරයක් නිල නොවන වශයෙන් නම් කර එහි සිය දියණිය වන වෛද්‍ය හෙමද්රි ජයරත්නව තැබීමය. අයගේ ආවතේව කටයුතු සඳහා රෝහලේ ජ්‍යෙෂ්ටතම කලමනාකර සහයකවරියක් සහ සුළු සේවකයෙක්ව අනුයුක්ත කර ඇත.

මෙම නිර්ලජ්ජි ක්‍රියාව සම්බන්ධයෙන් විමසු විට ඔවුන් පවසා ඇත්තේ වෛද්‍ය හෙමාද්රි ජයරත්න කොවිඩ් එන්නත්කරන සේවය ලබා දෙන බවය. අප කළ කරුණු විමසීමෙන් තහවුරු වුයේ එන්නත්කරණය කිරීම කෙසේ වෙතත් වෛද්‍ය හෙමාද්රි ජයරත්න දැන් ඉහත කාමරයට හෝ සේවයට වාර්තා නොකර “නිවසේ සිට” “පවුල් සෞඛය සේවා ” සපයන බවය.
අප කල විමසීමකදී අනාවරණය වුයේ කොවිඩ් වසංගතය මුල් භාගයේදී ජ්‍යෙෂ්ට- කනිෂ්ඨ, ගර්භනි- ගර්භනී නොවන සියලු වෛද්‍ය වරුන් එකසේ රෝස්ටරයකට සේවය කළ බවත්, මේ වන විට සභාපති වරයාගේ දියණිය හැර අන් වෛද්‍යවරුන් රජයේ රෙගුලාසි අනුව සේවය කරන බවත්ය.
රජයේ වෛද්‍ය නිලධාරීන්ගේ සංගමයේ(GMOA) රෝහල් ශාඛාව මේ පිළිබඳව කිසිදු පියවරක් නොගැනීම සම්බන්ධව දැඩි පිළිකුලෙන් අදහස් දැක්වූ වෛද්‍යවරුන් පැවසුවේ, තමා අගමැති මහින්ද රාජපක්ෂගේ වෛද්‍යවරයා බව පවසමින් රෝහල් සභාපතිවරයා රජයේ රෙගුලාසි උල්ලංඝනය කරමින් විශේෂ වරප්‍රසාද ලබා දී සිය දියණිය නිවසේ තබාගැනීම පිළිගත නොහැකි තත්ත්වයක් මෙන්ම විහිළුසහගත බවයි. ඔවුන් තව දුරටත් පවසා සිටියේ විශේෂඥ වෛද්‍ය පරිපාලකයෙක් බවට තමන්ව හඳුන්වා ගන්නා රෝහල් අධ්‍යක්ෂකවරයා දේශපාලන ගැති භාවහෙන් අන් වෛද්‍යවරුන්ට අසමාන ලෙස සලකමින් අක්‍රමිකතා ඉදිරියටම පවත්වාගෙන යනු ලබන්නේ සියලු පරිපාලන මූල ධර්ම සහ නීති උල්ලන්ඝනය කරමින් බවය.

The post ශ්‍රී ජයවර්ධනපුර රෝහලේ සභාපතිගේ දොස්තර දුව සේවයට වාර්තා නොකර නිවසේ සිට “වැඩ” – GMOA එකත් මර නින්දේ..! appeared first on ColomboXnews.

Source From Colomboxnews
Author: Kamal Dhammika
#SriLanka #News #lka