ශ්‍රී ලංකාව තුළ මාසිකව රුපියල් ලක්ෂයකට වඩා වැඩියෙන් ගෙවීමක් ලබන සියලු පුද්ගලයන් සහ අංශ කිහිපයක සේවයේ නියැළෙන වෘත්තීකයන් හා ව්‍යාපාර, දේපොළ හෝ ඇතැම් වාහන හිමිකාරීත්වය දරන පුද්ගලයන් සඳහා අද 1 සිට දේශීය ආදායම් බදු දෙපාර්තමේන්තුවේ ලියාපදිංචිය අනිවාර්ය කර ඇත.
ඊට අදාළ ගැසට් නිවේදනය මුදල්, ආර්ථික ස්ථායීකරණ අමාත්‍යවරයා ලෙස ජනාධිපති රනිල් වික්‍රමසිංහ විසින් නිකුත් කොට ඇත.
ඒ අනුව, දේශීය ආදායම් දෙපාර්තමේන්තුවේ අනිවාර්යෙන්ම ලියාපදිංචි විය යුතු වෘත්තීකයන් මෙසේය.
- ශ්‍රී ලංකා වෛද්‍ය සභාවේ ලියාපදිංචි වෛද්‍යවරුන්
- ශ්‍රී ලංකා වරලත් ගණකාධිකාරී ආයතනයේ ලියාපදිංචි සාමාජිකයන්
- ශ්‍රී ලංකා සහතිකලත් කළමනාකරණ ගණකාධිකාරී ආයතනයේ සාමාජිකයන්
- ශ්‍රී ලංකා ඉංජිනේරු ආයතනයේ සාමාජිකයන්
- ශ්‍රී ලංකා බැංකුකරුවන්ගේ සංගමයේ සාමාජිකයන්
- ශ්‍රී ලංකා වාස්තු විද්‍යාඥයන්ගේ සංගමයේ සාමාජිකයන්
- ශ්‍රී ලංකා ප්‍රමාණ සමීක්ෂකයන්ගේ ආයතනයේ සාමාජිකයන්
- ශ්‍රේෂ්ඨාධිකරණ නීතීඥවරුන්
- ප්‍රාදේශීය ලේකම්වරයා යටතේ ව්‍යාපාර ලියාපදිංචි කර ඇති පුද්ගලයින්
- මෝටර් රථ දෙපාර්තමේන්තුවේ වාහන ලියාපදිංචි කර ඇති පුද්ගලයන් (ත්‍රී රෝද රථ, මෝටර් බයිසිකල් සහ අත් ට්‍රැක්ටර් හැර)
- ශ්‍රී ලංකාවේ නිශ්චල දේපළක් මිල දී ගෙන ඇති හෝ අත්පත් කරගෙන ඔප්පුවක් හුවමාරු කර ගෙන ඇති පුද්ගලයන්
- මාසිකව සේව්‍ය-සේවක දෙපාර්ශවයෙන්ම එක්ව රු.20,000 ට වැඩි දායකත්වය මුදලක් ඕනෑම පාරිතෝෂිත අරමුදලකට හිමිකම් කියනු ලබන සේවකයන්
- දේශීය අධිකාරීන්ගෙන් ගොඩනැගිලි අනුමත සැලසුමක් ලැබූ ඕනෑම අයෙකු
- ශ්‍රී ලංකාව තුළ මාසිකව රු.100,000 ක් හෝ වාර්ෂිකව රු.1,200,000 ක ගෙවීමක් ලබන වෙනත් ඕනෑම අයෙකු
ඊට අමතරව මෙම වසරේ දෙසැම්බර් 31 වැනි දිනට වයස අවුරුදු 18 සම්පූර්ණ වී ඇති සියලු දෙනාම මේ යටතේ ලියාපදිංචි කිරීමට නියමිතය.
The post වයස අවුරුදු 18 ට වැඩිනම් රනිල්ගෙන් බදු ෆයිල් එකක්..! වෘත්තීන් 14ක් නම් කරමින් අලුත් ගැසට්ටුවක් එයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka