වන අලියට තවත් ජීවිතයක් බිලි.

මැදවච්චිය – කිඩාගලේගම ප්‍රදේශයේදී වන අලි ප්‍රහාරයකට ලක්ව දෙදරු පියෙකු අද අලුයම ජීවිතක්ෂයට පත්වුණා.

අවමංගල්‍ය උත්සවයකට සහභාගි වී නැවත සිය නිවෙසට යතුරුපැදියකින් පැමිණෙමින් සිටියදී ඔහු මෙම වන අලි ප්‍රහාරයට ලක්ව ඇති බවයි පොලීසිය සදහන් කරන්නේ

එහිදී වන අලියා මාර්ගයේ සිටින අයුරු දැක බියට පත්වීම නිසා ඔහු යතුරුපැදියෙන් බිම ඇද වැටී තිබෙනවා.

එම අවස්ථාවේ මොහු මෙලෙස වන අලි ප්‍රහාරයට ලක්ව ඇති බවයි පොලීසිය තහවුරු කරන්නේ

මේ අතර, වන අලි ගැටළුව හේතුවෙන් තමන් දැඩි දුෂ්කරතාවට පත්ව ඇති බව පොළොන්නරුව, හිඟුරක්ගොඩ, මහරත්මලේ ගම්මානයේ ජනතාව පවසනවා.

මින්නේරිය සහ කවුඩුල්ල ජාතික වනෝද්‍යාන දෙකට මායිම්ව පිහිටා ඇති මෙම ගම්මානයේ ජීවත් වන ඔවුන් චෝදනා කරන්නේ හිගුරක්ගොඩ ප්‍රාදේශීය සභාව සිය ගැටලුව සම්බන්ධයෙන් අවධානයක් යොමු නොකරන බවයි.

The post වන අලියට තවත් ජීවිතයක් බිලි. appeared first on ColomboXnews.

Source From Colomboxnews
Author: Kamal Dhammika
#SriLanka #News #lka