ලලිතසිරි ගුණරුවන්ගේ පැමිණීමත් සමග දුම්රිය සේවකයින් වැඩවර්ජනයකට සුදානම් වෙයි.

මහාචාර්ය ලලිතසිරි ගුණරුවන් මහතා නැවතත් දුම්රිය දෙපාර්තමේන්තුවේ කටයුතුවලට සම්බන්ධ කර ගැනීමට විරෝධය පළ කරමින් දුම්රිය වෘත්තීය සමිති වැඩවර්ජනයක නිරතවීමට සූදානමින් සිටිනවා. දුම්රිය රියදුරු සංගමයේ සභාපති ඉන්දික දොඩංගොඩ මහතා පවසන්නේ දුම්රිය සේවකයන්ගේ විරෝධය නොසලකා ලලිතසිරි ගුණරුවන් මහතා දුම්රිය සේවයට එක්වන්නේ නම් හෙට (28) දහවල් 12 සිට වැඩවර්ජනයක් ක්‍රියාත්මක කරන බවයි.

මේ සම්බන්ධයෙන් ශ්‍රී ලංකා පොදුජන පෙරමුණට සම්බන්ධ වෘත්තීය සමිති ඇතුළු වෘත්තීය සමිති කිහිපයක් සමග සාකච්ඡා කර ඇති බවත් ඔවුන්ද තම සංගමයට සහාය දැක්වීමට ඉදිරිපත් වී සිටින බවත් දොඩංගොඩ මහතා පවසනවා.

2008 වසරේ සිට 2010 වසර දක්වා දුම්රිය දෙපාර්තමේන්තුවේ ඉහළ නිළධාරියෙකු ලෙස සේවය කළ ලලිතසිරි ගුණරුවන් මහතා එම කාලය තුළදී දුම්රිය දෙපාර්තමේන්තුවට විශාල හානියක් සිදුකළ බවත්, වසර ගණනාවක් තිස්සේ එවක විෂයභාර අමාත්‍යවරයා වූ කුමාර වෙල්ගම මහතා මෙන්ම එවක පැවති රජය ද අපහසුතාවයට පත් කිරීමට කටයුතු කළ බවත් දොඩංගොඩ මහතා පවසනවා.

The post ලලිතසිරි ගුණරුවන්ගේ පැමිණීමත් සමග දුම්රිය සේවකයින් වැඩවර්ජනයකට සුදානම් වෙයි. appeared first on ColomboXnews.