ලංකාව අපකීර්තියට පත්කරමින් ගෝඨාභය ආණ්ඩුව මියන්මාරයේ හමුදා ජුන්ටාව පිලිගනී – කොළඹ පැවැත්වෙන ‘බිම්ස්ටෙක්‘ සමුළුවට දිනේෂ් ඇරයුම් කරලා.

මියන්මාරයේ ජනතාව මිලිටරි ජුන්ටාවේ කුරිරු හිංසනයේ ප්‍රතිවිපාකවලින් පීඩා විඳින අතර ශ්‍රී ලංකාවේ නන්දසේන ගෝඨාභය ආණ්ඩුව නීති විරෝධී මිලිටරි ජුන්ටාවට කොළඹ පැවැත්වෙන බිම්ස්ටෙක් සමුළුවට සහභාගී වන ලෙස විදේශ කටයුතු ඇමති දිනේෂ් ගුණවර්ධන නිල වශයෙන් මියන්මාර හමුදා ජුන්ටාවේ විදේශ කටයුතු ඇමතිට ආරාධනා කර තිබේ.

ශ්‍රී ලංකා විදේශ අමාත්‍ය දිනේෂ් ගුණවර්ධන මේ වන විට මියන්මාරයේ දැඩි විවේචනයට ලක්ව ඇති අතර #ProtestSriLanka සමාජ මාධ්‍යවල මෙය ජනප්‍රිය වෙමින් පවතී. මෙලෙස දැඩි විවේචනයට ලක්වී ඇත්තේ මෑතදී මියන්මාරයේ හමුදා පත් කරන ලද විදේශ ඇමති වුනා මුවාං එල්වින් පිළිගැනීම සඳහා විදේශ අමාත්‍ය දිනේෂ් ගුණවර්ධන විසින් බිම්ස්ටෙක් සමුළුවට සහභාගී වන ලෙස ආරාධනා කරමින් යවන ලද ලිපියක් සම්බන්ධයෙන් ය.

ශ්‍රී ලංකාව හැර ලෝකයේ කිසිදු රටක් මියන්මාරයේ හමුදා ජුන්ටාව පිලිගෙන නොමැති වටපිටාවක දිනේෂ් ගුණවර්ධන මෙලෙස ලිපියක් යොමු කරමින් ඔවුන්ට නිලභාවයක් ලබාදීම මේවනවිට ලොවපුරා දැඩි කතාබහට ලක්වී තිබේ.

සමාජජාල තුල විශේෂයෙන් ටුවිටර් පණිවිඩ හරහා මියන්මාරයේ ප්‍රජාතන්ත්‍රවාදය වෙනුවෙන් සටන්වදින ජනතාගේ දැඩි විවේචනයට ශ්‍රී ලංකා රජයේ මෙම මැදිහත්වීම මේ වනවිට ලක්වෙමින් පවතී.

ශ්‍රී ලංකාව තුලද රාජ්‍ය තන්ත්‍රය සදහා ඉතා බහුල ලෙස හමුදා නිලධාරීන් යොදාගනිමින් සිටින වත්මන් නන්දසේන ගෝඨාභය ආණ්ඩුව මෙලෙස මියර්මාර හමුදා ජුන්ටාව පිලිගනිමින් කටයුකු කිරීම රටක් ලෙස අප ලෝකය ඉදිරියේ බරපතල ලෙස හෑල්ලුවට ලක්වන සිදුවීමක්වීම වැලැක්විය නොහැක.

මියන්මාර් හි සමාජ මාධ්‍ය භාවිතා කරන්නන් විදේශ ඇමති දිනේෂ් ගුණවර්ධනගේ ලිපිය සම්බන්ධයෙන් ශ්‍රී ලංකාව කෙරෙහි අප්‍රසාදය පළ කර තිබේ

The post ලංකාව අපකීර්තියට පත්කරමින් ගෝඨාභය ආණ්ඩුව මියන්මාරයේ හමුදා ජුන්ටාව පිලිගනී – කොළඹ පැවැත්වෙන ‘බිම්ස්ටෙක්‘ සමුළුවට දිනේෂ් ඇරයුම් කරලා. appeared first on ColomboXnews.