ලංකාවේ මුස්ලිම් ජාතිකයන් සියලු දෙනා මාලදිවයිනට කැඳවිය යුතුයි – මාලදිවයින් හිටපු විදේශ ඇමති

ශ්‍රී ලංකා රජයෙන් දැඩි අසාධාරණයට ලක්ව සිටින මුස්ලිම් ජාතිකයන් සියලු දෙනාට සිය රට් පදිංචිය සඳහා පැමිණෙන්නැයි මාලදිවයින් රජය විසින් ආරාධනා කළ යුතු බව එරට හිටපු වි‍දේශ ඇමති දුන්යා මවුමූන් මහත්මිය පවසනවා. සිය ට්විටර් ගිණුමේ සටහනක් තබමින් ඇය මේ බව සඳහන් කරනවා.

කොරෝනා වෛරසය හේතුවෙන් මියයන මුස්ලිම් ජාතිකයන්ට ඉස්ලාම් දහමට අනුකූලව ගෞරවණීය ලෙස මිහිදන් වීමේ අයිතිය තිබෙන බවත්, ශ්‍රී ලංකා රජය එම අයිතියට ගරුකළ යුතු බවත් ඇය වැඩිදුරටත් පවසනවා. එසේ සිදු නොවන්නේ නම් සියලු ශ්‍රී ලාංකික මුස්ලිම් ජාතිකයන් මාලදිවයිනේ පදිංචියට පැමිණිය යුතු බවයි ඇය අවධාරණය කරන්නේ.

වෛරසය හේතුවෙන් මියයන මුස්ලිම් ජාතිකයන් මිහිදන් කිරීම සඳහා මාලදිවයින් රාජ්‍යය දූපත් වෙන් කිරීමටද කටයුතු කර ඇති බව මාධ්‍ය වාර්තා කර තිබිණි. මෙරට ජනාධිපති ගෝඨාභය රාජපක්ෂ මහතා සිදුකළ ඉල්ලීමකට අනුව ඒ සම්බන්ධයෙන් සලකා බැලීමට තීරණය කර ඇති බවයි එරට විදේශ අමාත්‍යවරයා පවසන්නේ.

https://twitter.com/dunyamaumoon?

The post ලංකාවේ මුස්ලිම් ජාතිකයන් සියලු දෙනා මාලදිවයිනට කැඳවිය යුතුයි – මාලදිවයින් හිටපු විදේශ ඇමති appeared first on ColomboXnews.