මහර බන්ධනාගාර ගැටුමෙන් මියගිය රැඳවියන් 11 දෙනාගෙන් 4ක් මියගොස් තිබෙන්නේ වෙඩි වැදීමෙන් බව සනාත වීමත් සමග බන්ධනාගාර කටයුතු භාර රාජ්‍ය අමාත්‍ය ලොහාන් රත්වත්තේ මහතා පාර්ලිමේන්තුවේ කළ ප්‍රකාශය බොරුවක් බව සනාථ වේ.
මහර බන්ධනාගාර සිද්ධිය පිළිබඳව විශේෂ ප්‍රකාශයක් කරමින් ලොහාන් රත්වත්තේ රාජ්‍ය අමාත්‍යවරයා පාර්ලිමේන්තුවේදී ප්‍රකාශ කළේ ප්‍රචණ්ඩකාරීව හැසිරුණු රැඳවියන් පාලනය කර ගැනීම සඳහා වෙඩි තැබූ මුත් මෙම වෙඩි තැබීමෙන් කිසිදු රැඳවියකු මිය නොගිය බවය.
රැඳවියන් මිය ගියේ ඔවුන් අතර ඇතිවූ ගැටුම් නිසා බවද රාජ්‍ය අමාත්‍යවරයා වැඩිදුරටත් සඳහන් කරන ලදී.
ඔහු මෙම ප්‍රකාශය කරන ලද්දේ බන්ධනාගාර කටයුතු පිළිබඳ රාජ්‍ය අමාත්‍ය ධූරයට පත්වීමෙන් පසු මහර බන්ධනාගාරයේ කළ නිරීක්ෂණ චාරිකාවකින් අනතුරුවය .
එහෙත් මේ වන විට මහර බන්ධනාගාර සිද්ධිය පිළිබඳව සොයා බැලීමට පත්කළ පංච පුද්ගල බහුවිධ විශේෂඥ කමිටුවේ පශ්චාත් මරණ පරීක්ෂණ වාර්තාවේ සදහන් ව තිබෙන්නේ මියගිය රැඳවියන් 11 අතුරින් 4 දෙනකු වෙඩි වැදීමෙන් මිය ගිය බව වත්තල මහේස්ත්‍රාත් බුද්ධික ශ්‍රී රාගල මහතා විවෘත අධිකරණයේදී ඉකුත් 16 වැනිදා ප්‍රකාශ කරන ලදී.
The post රැඳවියන් 4ක් මියගියේ වෙඩි වැදිලා – රාජ්‍ය ඇමති ලොහාන් රත්වත්තේගේ බොරුව අතේ පත්තු වෙයි! appeared first on ColomboXnews.
Source From Colomboxnews
Author: Kamal Dhammika
#SriLanka #News #lka