හිටපු අමාත්‍ය විජේදාස රාජපක්ෂ මහතා, ඊයේ (12) මහනුවරදී පැවති ඇමතිවරුන් දිවුරුම් දීමේ උත්සවය වර්ජනය කර ඇති බව වාර්තා වේ. ඊට හේතුව වී ඇත්තේ ඔහුට කැබිනට් ඇමති තනතුරක් ලබා නොදීමයි.
පසුගියදා නිකුත් කළ ගැසට් පත්‍රයට අනුව රාජ්‍ය ඇමති ධුර 40 ක් සකස් කර තිබූ අතර කෙසේ වෙතත් අද දිවුරුම් දුන්නේ රාජ්‍ය ඇමතිවරුන් 39 දෙනෙකු පමණි.
අධ්‍යාපන ප්‍රතිසංස්කරණ, විවෘත විශ්වවිද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍ය ධුරය සඳහා අද ඇමතිවරයෙකු පත් කිරීම සිදු නොවීය. දේශපාලන ආරංචි මාර්ග පවසන්නේ එම රාජ්‍ය අමාත්‍ය ධුරය, විජේදාස රාජපක්ෂ මහතාට වෙන්කර තිබූ බවයි.
පසුගිය යහපාලන ආණ්ඩුවේ අධිකරණ ඇමතිවරයා ලෙස කටයුතු කළ විජේදාස රාජපක්ෂ මහතා 2018 වසරේ ඔක්තෝබර් දින 52 ආණ්ඩුවට සහාය දක්වමින් රාජපක්ෂ පාර්ශ්වය හා එක් විය. ඉන්පසු දිගින් දිගටම ඔහු පොදුජන පෙරමුණ සමග කටයුතු කළ අතර පසුගිය මහ මැතිවරණය සඳහා එම පක්ෂයෙන් කොළඹ දිස්ත්‍රික්කයට තරග කර මනාප ලක්ෂයකට වඩා ලබා ගනිමින් ලැයිස්තුවේ සිව්වැනි ස්ථානයට පත් විය.
ඔහු කැබිනට් ඇමති තනතුරක් බලාපොරොත්තුවෙන් සිටියද ඒ සඳහා අවස්ථාව ලැබී නොමැත. මේ හේතුවෙන් ඔහුට වෙන්කර තිබූ රාජ්‍ය අමාත්‍ය ධුරය ද ප්‍රතික්ෂේප කර දිවුරුම් දීමේ උත්සවයද වර්ජනය කර ඇති බවයි වාර්තා වන්නේ.
(LNW)
The post රාජ්‍ය ඇමතිකම මදි කියා විජේදාස දිවුරුම් දීමේ උත්සවය වර්ජනය කරලා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka