රවී, වජිර, අකිල, සාගල වැනි දුෂිතයින් පාර්ලිමේන්තුවට..! පොහොට්ටුවේ ජාතික ලැයිස්තුව කැප බැසිල් සූදානම්..!

රටේ ත් ජනතාවගේ ත් ප්‍රශ්න විසඳීම වෙනුවෙන් නව අග්‍රාමාත්‍යවරයාගේ පක්ෂයේ නියෝජනයක් පාර්ලිමේන්තුවට අවශ්‍ය නම්, ඒ සඳහා තම පක්ෂයේ ජාතික ලැයිස්තු මන්ත්‍රී ධූර කිහිපයක් ලබා දීම පිළිබඳව කිසිදු ගැටලුවක් නැතැයි ශ්‍රී ලංකා පොදුජන පෙරමුණේ ප්‍රකාශකයෙක් පැවසීය.

එජාපයේ රවී කරුණානායක, වජිර අබේගුණවර්ධන, අකිල විරාජ් කාරියවසම්, සාගල රත්නායක, රංගේ බණ්ඩාර සහ දයා ගමගේ වැනි පරාජිත නායකයින් කිහිපදෙනෙක් ඒ අනුව ඉදිරි සතියේ පාර්ලිමේන්තුවට පිවිසිමට නියමිත බව වාර්තාවේ. ඒ ආණ්ඩුව බාරගැනීමට පෙර බැසිල් රාජපක්ෂ සහ ජනාධිපතිවරයා විසින් දෙන ලද පොරොන්දුවකට අනුවය.

නව අග්‍රාමාත්‍යවරයා වැනි පරිණත දේශපාලන චරිතයක් හෝ පැමිණ රටේ වත්මන් අර්බුදවලට විසඳුම් සෙවීමට ඉදිරිපත් වීමට කටයුතු කරනවා නම්, ඊට ශ්‍රී ලංකා පොදුජන පෙරමුණ සහය දෙන බව ද මෙම අවස්ථාවේ දේශපාලන පක්ෂ පාට භේදයකින් තොරව රට ශක්තිමත් කිරීමට සියලු දෙනා එකතු විය යුතු බව ද එම ප්‍රකාශකයා සඳහන් කළේ ය.

කෙසේ වෙතත් 2019 ජනාධිපතිවරණයේදී සහ මහ මැතිවරණයේදී පොදුජන පෙරමුණ විසින් මැතිවරණ වේදිකාවේ ජනතාව පොරොන්දු වුයේ මහ බැංකු වංචාව ඇතුළු එජාප නායකයින්ගේ වංචා දුෂණ සම්බන්දයෙන් තරාතිරම නොබලා දඩුවම් කරන බවයි.

The post රවී, වජිර, අකිල, සාගල වැනි දුෂිතයින් පාර්ලිමේන්තුවට..! පොහොට්ටුවේ ජාතික ලැයිස්තුව කැප බැසිල් සූදානම්..! appeared first on ColomboXnews.