“රනිල් හිටියා ඇති – මට නායකකම ඕනා” – නවින් දිසානායක

වසර 26 ක් පවතින එක්සත් ජාතික පක්ෂයේ නායකත්වය වෙනස් විය යුතු බවත් , එම නායකයා විමට අවශ්‍යය සුදුසුකම් තමන්ට ඇති බව එක්සත් ජාතික පක්ෂයේ  ජාතික සංවිධායක සහ නුවරඑලිය දිස්ත්‍රික් එජාප අපෙක්ෂක නවින් දිසානායක මහතා පැවසිය.

නවින් දිසානායක මහතා ඒ බැව් කියා සිටියේ 2020 මහ මැතිවරණය වෙනුවෙන් හැටන් දිඹුල පතන ප්‍රදේශයේ පැවති පාක්ෂික හමුවකට සහභාගි වෙමිණි.

මෙහිදි අදහස් දැක් වු නවින් දිසානායක මහතා කියා සිටියේය.

“මම කෙලින් කතා කරන කෙලින් වැඩ කරන දේශාපලඥයෙක්. එක්සත් ජාතික පක්ෂයේ මම ඉහල තැනක ඉන්නවා මම හිතනවා මට පක්ෂයේ නායකයා වෙන්න පුළුවන් කියලා. මම පක්ෂ නායකයා වෙලා , මේ රටේ ඉහල පුටුවට යනවා , ජනාධිපති හෝ අගමැති . මම එහෙනම් මුලින්ම වැඩ  කරන්නේ නුවරඑලිය ජනතාවට අවු 20 මම දේශපාලනයේ ඉන්නවා , එක්සත් ජාතික පක්ෂයේ 2 හෝ 3 ට මම ඉන්නවා, මට ඕනි 1 ට එන්න. එකට මට පොඩි තල්ලුවක් දෙන්න මම තරුණ නායකයෝ පක්ෂය තුලට ගෙනල්ලා තියෙනවා. ඒ අය පක්ෂය ඉදිරියට ගෙනියයි. තරුණ නායකයෝ රැසක් මම නුවරඑලියට බිහි කරලා තියෙනවා. එක්සත් ජාතික පක්ෂය කියන්නේ මේ රටේ පැරණිතම දේශපාලන පක්ෂය , දැවැන්ත නායකයින් පිරිසක් මේ පක්ෂයෙන් බිහි වෙලා තියෙනවා. මේ රටට වැඩ කරේ එක්සත් ජාතික පක්ෂය. එක්සත් ජාතික පක්ෂය යම් කිසි බෙදිමකට ලක් වෙලා තියෙනවා , ඒක හැමෝම දන්නවා. අවුරදු තුනකට මම මහින්ද රාජපක්ෂ එක්ක එකතු වුණේ යුද්ධය අවසන් කරන්න. ඊට පස්සේ මම එක්සත් ජාතික පක්ෂයට ඇවිල්ලා දිගටම ඉන්නවා. එක්සත් ජාතික පක්ෂය කාටවත් නැති කරන්න බැහැ. ජිවමාන පක්ෂයක් මේ රටේ. ශ්‍රි ලංකා නිදහස් පක්ෂය අත ලකුණු , පුටුව , බුලත් කොලේ , දැන් පොහොට්ටුව විදිහට වෙනස් වුණා. එක්සත් ජාතික පක්ෂය එහෙම නෙවෙයි දිගටම අලියා ලකුණ. අලියා ලකුණින් දුරකථනයට ගියොත් අලියා ඉවරයි , ඒකට ඉඩ දෙන්න එපා. කාටවත් මේ පක්ෂය විනාශ කරන්න බැහැ. ලංකාවේ තියෙන එකම වෘත්තිමය දේශපාලන පක්ෂය. එක්සත් ජාතික පක්ෂයේ නායකත්වය වෙනසකුත් වෙන්න ඕනි. අවු 26 එකම පුද්ගලයාට පක්ෂයේ නායකත්වයේ ඉන්න බැ. සි.බි.රත්නායක , එස්.බි.දිසානායක මේ ප්‍රදේශයන් ගැන දන්නවද? යනුවෙන් පැවසිය.

The post “රනිල් හිටියා ඇති – මට නායකකම ඕනා” – නවින් දිසානායක appeared first on ColomboXnews.

Source From Colomboxnews
Author: Kamal Dhammika
#SriLanka #News #lka