එජාපයේ අසාර්ථක වීමට කිසිවෙලාවක ජනතාවට දොස් කිව යුතු නැති අතර 2015 බලසම්පන්නව සිටි මහින්ද රාජපක්ෂ ගෙදර යැවීමට ජනතාව කටයුතු කළත් එහි බරපතලකම එජාප නායක රනිල් වික්‍රමසිංහ මහතා තේරුම් නොගත් බව සමඟි ජන බලවේගයෙන් මහ මැතිවරණයට ඉදිරිපත් වූ නීතිඥ අතුල රණගල මහතා ඊයේ (07) සිරිකොත පක්ෂ මුලස්ථානය ඉදිරිපිටදී ඉතා ආවේගශීලිව මාධ්‍ය වෙත අදහස් දක්වමින් පැවසුවේය.
2015 ජනතාව කළ කැපකිරීම තේරුම්ගත්තා නම් අද මෙවැනි තත්ත්වයකට මුහුණ දීමට සිදුනොවන බවයි රණගල මහතා කියා සිටියේ.
”අපි ජනතාවට බනින්නේ නැහැ. අපේ නායකයා නිසා තමයි සියල්ල සිද්ධ වුණේ. මේ රටේ සියලු දේවල්වලට ඔහු වගකියන්න ඕනේ. හොර කණ්ඩායමක් එක්ක අවුරුදු ගානක් කෙළපු කෙළිය නිසා තමයි,කරපු කුමන්ත්‍රණ නිසා තමයි අද මේ තත්ත්වය අත්පත් වෙලා තියෙන්නේ.”
සිරිකොත වැටලීමට පැමිණෙන්නේ දැයි මාධ්‍යවේදීන් කළ විමසීමට පිළිතුරු දෙමින් රණගල මහතා පැවසුවේ එවැනි දෙයක් කරමින් මිනිසුන් කෝප කිරීමට අවශ්‍ය නැති අතර ”රනිල් වික්‍රමසිංහ ගෙදර පල” යනුවෙන් ජනතාව කියා අවසන් බවයි.
තමන් මෙවර මැතිවරණයට ඉදිරිපත් වූයේත් රනිල් වික්‍රමසිංහ මහතාව ගෙදර යැවීමට බව ඔහු අවධාරණය කළේය.
(LNW)
The post ”රනිල් වික්‍රමසිංහ ගෙදර පල” කියා ජනතාව කිවා..! සජිත්ගේ ගෝලයෙක් සිරිකොත ළඟ යකා නටයි – (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka